រតនគិរី ៖ កម្លាំងសមត្ថកិច្ចជំនាញនៃក្រុងបានលុងបានចុះត្រួតពិនិត្យជនបរទេសអន្តោប្រវេសន៍មករស់នៅដោយខុសច្បាប់ម្នាក់។
កាលពីវេលាម៉ោង១១និង១៥នាទីព្រឹក ថ្ងៃសៅរ ១១រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី០២ ខែមីនា ឆ្នាំ២០១៩នេះ ត្រង់ចំណុចខាងលិចរង្វង់មូល ស្ថិតនៅក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។
មន្ត្រីនគរបាលបានឲ្យដឹងថា ឈ្មោះ Zheng Meng ភេទប្រុស អាយ៣៩ឆ្នាំ ជនជាតិចិន ស្នាក់នៅក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ចូលមកស្នាក់នៅដោយគ្មានឯកសារគ្រប់គ្រាន់ឡើយ។
បច្ចុប្បន្នសមត្ថកិច្ចបានបញ្ជូនជនជាតិចិនទៅការិយាល័យអន្តោប្រវេសន៍នៃស្នងការដ្ឋាននគរបាលខេត្តដើម្បីចាត់ការតាមនីតិវិធីបន្ត៕
Source: Kampuchea Thmey Daily
0 Comments