ភ្នំពេញ ៖ មហាជន បានធ្វើការរិះគន់ទៅលើបងប្អូនប្រជាពលរដ្ឋមួយចំនួន ហាក់ដូចជាមិនបានចូលរួមក្នុងការថែរក្សាបរិស្ថានអ្វីបន្តិចសោះ។
ជាក់ស្តែងនៅក្នុងរូបភាពនេះ គឺអាជ្ញាធរបានយកស្លាកបម្រាមមកដាក់បញ្ជរប៉ុណ្ណឹងទៅហើយ ក៏នៅតែមានអ្នកយកសំរាមមកចោលក្នុងបំណងផ្គើននឹងអាជ្ញាធរ ហើយទីតាំងក្នុងរូបភាពនេះគឺស្ថិតនៅតាមបណ្ដោយផ្លូវ៣៦៩ ភូមិព្រែកតាពៅ ខាងជើងផ្សារជនជាតិខ្មែរឥស្លាម សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
បើតាមការលើកឡើងរបស់អ្នកធ្វើដំណើរឆ្លងកាត់ផ្លូវ៣៦៩ បានប្រាប់កម្ពុជាថ្មីថា សំរាមដែលគេឃើញនៅទីតាំងខាងលើនេះ គឺពុំមានអ្នកមកពីចម្ងាយយកមកបោះចោលឡើយ ហើយមិនគួរណាភ្នាក់ងារទទួលបន្ទុកផាកពិន័យអ្នកចោលសំរាម ហាក់មានតែឈ្មោះចាំបើកលុយពីសាលាខណ្ឌច្បារអំពៅ ដោយពុំទទួលខុសត្រូវនូវភារកិច្ចរបស់ខ្លួន រួចដាក់បន្ទុកតែទៅលើកម្លាំងប្រជាការពារសាលាខណ្ឌច្បារអំពៅ ដែលពីមួយថ្ងៃទៅមួយថ្ងៃដើរតែប្រមូលសំរាមសឹងទូទាំងមូលដ្ឋានខណ្ឌ។
ជាសំណូមពររបស់មហាជននិងអ្នកដំណើរសុំឲ្យមន្ត្រីទទួលបន្ទុកចាំផាកពិន័យ គួរតែដាក់កម្លាំងចាំឃាត់អ្នកចោលសំរាមបែបអនាធិបតេយ្យយកមកផាកពិន័យឲ្យធ្ងន់ធ្ងរ ព្រោះបើពុំដូច្នោះទេមូលដ្ឋានយើងមិនអាចលុបបំបាត់សំរាមអស់ឡើយ៕
Source: Kampuchea Thmey Daily
0 Comments