ប្រទេសជប៉ុនបានលេចមុខជាតំបន់វិស្សមកាលដ៏មានប្រជាប្រិយបំផុត នៅក្នុងឆ្នាំ២០១៥ សម្រាប់ពួកអ្នកទេសចរនៅហុងកុង តៃវ៉ាន់ និងចិនដីគោកនៅក្នុងការស្ទង់មតិមួយពីទម្លាប់ធ្វើដំណើរនៅអាស៊ីប៉ាស៊ីហ្វិក។
នៅក្នុងការស្ទាបស្ទង់មតិថ្មីដោយ Travelzoo ដែលបានបោះពុម្ពផ្សាយទំនាក់ទំនងធ្វើដំណើរជុំវិញពិភពលោកនោះ អ្នកឆ្លើយតបតៃវ៉ាន់៥៦ភាគរយនិយាយថា ពួកគេមានគម្រោងធ្វើទស្សនកិច្ចទៅកាន់ប្រទេសជប៉ុននៅក្នុងឆ្នាំ២០១៥។
ពួកអ្នកធ្វើដំណើរជិតពាក់កណ្តាលមកពីហុងកុង(៤៩ភាគរយ)ក៏បាននិយាយផងដែរថា គេបានកក់ការធ្វើដំណើររបស់គេទៅកាន់ប្រទេសជប៉ុន ដូចពួកអ្នកឆ្លើយតប៤០ភាគរយមកពីចិនដីគោកបានកក់ដែរនោះ។
ចំពោះការស្ទាបស្ទង់មតិនោះពួកសមាជិក Travelzoo 4300នាក់នៅក្នុងប្រទេសអូស្ត្រាលី ចិន ហុងកុងជប៉ុន និងតៃវ៉ាន់ ត្រូវបានគេស្ទាបស្ទង់មតិនៅក្នុងខែវិច្ឆិកាឆ្នាំមុន។
ហើយសហរដ្ឋអាមេរិកជាតំបន់ទេសចរស្ថិតក្នុងលំដាប់ថ្នាក់កំពូលក្នុងឆ្នាំ២០១៥ សម្រាប់ពួកទេសចរជប៉ុន។ ការស្ទាបស្ទង់មតិនោះក៏បានបង្ហើបឲ្យដឹងផងដែរថា ប្រជាជនចិននឹងធ្វើដំណើរច្រើនបំផុតដោយធ្វើដំណើរលំហែជាមធ្យម៦,៤ភាគរយ នៅក្នុងឆ្នាំ២០១៥ និងចំណាយជាមធ្យម៨,៥៥៨ដុល្លារ។
ដោយឡែកពួកសមាជិកអូស្ត្រាលីនឹងធ្វើដំណើរតិចបំផុតចំនួន៣,៨ភាគរយក្នុងឆ្នាំនេះ ពួកគេនឹងចំណាយច្រើនបំផុត១០.៤៨៣ដុល្លារក្នុងការធ្វើដំណើរឆ្នាំនេះ៕
0 Comments