ធនាគារ​អង់គ្លេស​មិនបាន​ដឹង​អំពី​វិបត្តិ​ហិរញ្ញវត្ថុ​ដែល​ជិត​កកើត​មាន​ឡើង​

ឯកសារ​ថ្មីៗ​បាន​បញ្ចេញ​ឲ្យ​ដឹង​ថា មួយ​ខែ​មុន​ការ​ចាប់​ផ្តើម​មាន​វិបត្តិ​ហិរញ្ញវត្ថុ​ធនាគារ​អង់​គ្លេស​ហាក់ដូចជា​មិនបាន​ដឹង​អំពី​គ្រោះថ្នាក់​ដែល​ជិត​នឹង​កើតឡើង​នោះ​ទេ។ នៅក្នុង​ការ​មើល​ឃើញ​តែ​មួយ​នៅក្នុង​ការងារ​របស់​ខ្លួន​នោះ ធនាគារ​នេះ​បាន​បោះពុម្ព​ផ្សាយ​កំណត់ហេតុ​ស្ដីពី​កិច្ចប្រជុំ​សម្ងាត់​ដ៏​ខ្ពស់​របស់​អង្គការ​គ្រប់គ្រង​របស់​ខ្លួន​ គឺ​តុលាការ នៅ​ចន្លោះ​ឆ្នាំ​២០០៧ ​និង​២០០៩។​

កំណត់ហេតុ​បាន​បង្ហាញ​ថា ធនាគារ​ពិតជា​បាន​រក​ឃើញ​សន្ទនីយភាព​(liquidity) ថា​ជា​ការ​ខ្វល់ខ្វាយ​ស្នូល​មួយ​នៅក្នុង​ខែ​កក្កដា ឆ្នាំ​២០០៧។ ទោះជា​យ៉ាងណាក៏ដោយ​ក៏​ពុំ​ឃើញ​មានការ​ចាត់​វិធានការ​ដែរ។ ឯក​សារបាន​បង្ហាញថា ធនាគារ​ក៏បាន​ប្រើប្រាស់​នូវ​ឈ្មោះ​ហៅ​ក្រៅ ជា​បន្តបន្ទាប់​ចំពោះ​ធនាគារ​ទាំងឡាយ​ដែល​ស្ថិត​នៅ​ក្នុង​ស្ថានភាព​វឹកវរ។​

ធនាគារ​Royal Bank of Scotland (RBS) ត្រូវ​បាន​គេ​ស្គាល់​ថា ជា​ធនាគារ​"Phoenix"​និង​ធនាគារ​Lloyds TSB គេ​ស្គាល់​ថា​ជា​ធនាគារ​"Lark"។ បន្ទាប់ពី​ការ​បោះពុម្ព​ផ្សា​យមក​សមាជិកសភា​លោក​Andrew Tyrie ប្រធាន​គណៈកម្មាធិការ​Treasury Select Committee គឺ​សំខាន់​យ៉ាង​ខ្លាំង​របស់​នាយក​មិនមែន​ប្រតិបត្តិ​មួយចំនួន​របស់​តុលាការ។​

លោក Tyrie បាន​និយាយ​ថា ពួកគេ​មិនបាន​ប្រឆាំង​សមាជិក​ប្រតិបត្តិ​ជាន់ខ្ពស់​នោះ​ទេ ដូចជា ទេសាភិបាល នៅក្នុង​ពេលនោះ លោក Mervyn King, ជា​មនុស្ស​ដែល​មនុស្ស​មួយចំនួន​បាន​ចោទ​ប្រកាន់​ថា មិនបាន​កំណត់​ជា​អាទិភាព​នូវ​ស្ថិរភាព​ហិរញ្ញវត្ថុ​នោះ។​

លោក Tyrie បាន​បន្ត​ថា "​កំណត់ហេតុ​បាន​បង្ហាញ​ថា នៅក្នុង​អំឡុង​ពោល​មាន​វិបត្តិ​ធនាគារ​អង់គ្លេស​មិន​មាន​គណៈកម្មការ​ឬ​ក្រុមប្រឹក្សា​សមរម្យ​នៃ​ឈ្មោះ​នេះ​ទេ។ នេះ​គឺជា​បញ្ហា ហើយ​និង​នៅ​ជា​បញ្ហា​"។ លោក​John Mcfall ប្រធាន​គណៈកម្មាធិការ​ជ្រើសរើស​រតនាគារ​នៅ​ពេល​នោះ បាន​និយាយ​ប្រាប់​សាជីវកម្ម​ផ្សាយ​សម្លេង​អង់គ្លេស​BBC​ថា ​"​ពួកគេ​ទាំងអស់គ្នា​បាន​បាត់បង់​រូបភាព​ដ៏​ទូ​លំ​ទូលាយ ពួកគេ​បាន​បង់​ការទាក់ទង​គ្នា​ទៅវិញទៅមក​នូវ​ប្រព័ន្ធ​ហិរញ្ញវត្ថុ​ទាំងមូល។​

កំណត់ហេតុ​បាន​បង្ហាញ​ថា នៅក្នុង​ខែកក្កដា ឆ្នាំ​២០០៧ តុលាការ​ដែល​ប្រហាក់​ប្រហែលគ្នា​នឹង​ក្រុមប្រឹក្សា​ក្រុមហ៊ុន​បាន​ចំណាយពេល​ពិភាក្សា​អំពី​ប្រាក់​សោធន​របស់​បុគ្គលិក បើក​បណ្ដា​ថ្ងៃ​និង​សមាជិក​ថ្មី​ទាំងឡាយ​របស់​គណៈកម្មាធិការ​នយោបាយ​រូបិយវត្ថុ។ សមាជិក​ទាំងឡាយ​បាន​ឮ​ថា ធនាគារ​បាន​និង​កំពុង​ធ្វើការ​អំពី​គំរូ​ថ្មី​មួយ​ដើម្បី​រក​ឃើញ​គ្រោះថ្នាក់​ចំពោះ​ប្រព័ន្ធ​ហិរញ្ញវត្ថុ ប៉ុន្តែ​មាន​ការ​និយាយ​តិចតួច​អំពី​ការ​មាន​បញ្ហា​ដែល​នឹង​កើតឡើង៕​

ថា​លី​យ៉ាន​

​