មន្ត្រីម្នាក់នៅក្នុងការិយាល័យរបស់សភាចារបុរសក្រុងប៉ារីសនិយាយថា បុរសដែលវ័យក្មេងបំផុតក្នុងចំណោមជនជាតិបារាំងបីនាក់ ដែលកំពុងត្រូវបានប៉ូលិសស្វែងរកពីការវាយប្រហារ ដែលគេសង្ស័យជាពួកសកម្មប្រយុទ្ធឥស្លាមនិយម ដែលបានសម្លាប់មនុស្ស១២នាក់នៅការិយាល័យទស្សនាវដី្តចំអកមួយ នៅថ្ងៃពុធនោះ បានប្រគល់ខ្លួនឲ្យប៉ូលិស។
ពួកអ្នកវាយប្រហារដែលរុំមុខទាំងនោះ បានសម្រុកចូលទៅក្នុងការិយាល័យ Charlie Heb do ក្នុងក្រុងប៉ារីសដែលជាទស្សនាវដី្តប្រចាំសប្តាហ៍មួយ ដែលគេដឹងថា បានសរសេរចំអកឲ្យសាសនាឥស្លាម និងសាសនាផ្សេងទៀតនៅក្នុងការវាយប្រហាររបស់ពួកសកម្មប្រយុទ្ធ ដែលបណ្តាលឲ្យមានមនុស្សស្លាប់ច្រើនបំផុតនៅលើទឹកដីបារាំងក្នុងរយៈពេលច្រើនទសវត្សរ៍។
ប៉ូលិសបារាំងនៅតែធ្វើការតាមប្រម៉ាញ់រកអ្នកវាយប្រហារពីរនាក់ ដែលបានរត់គេចតាមរថយន្ត ក្រោយពីបាញ់សម្លាប់អ្នកគូររូបត្លុកថ្នាក់កំពូលខ្លះរបស់ប្រទេសបារាំង និងមន្ត្រីប៉ូលិសពីរនាក់នោះមក។
ប៉ូលិសបានផ្សព្វផ្សាយឯកសារដល់កងកម្លាំងទូទាំងតំបន់និយាយថា បុរសទាំងពីរនាក់នោះកំពុងត្រូវគេស្វែងរក ពីបទធ្វើឃាតពាក់ព័ន្ធនឹងការវាយប្រហារទៅលើ Charlie Heb-do៕
0 Comments