ព្រៃវែង ៖ គ្រោះថ្នាក់ចរាចរមួយបានកើតឡើងដោយរថយន្តម៉ាកហ៊ីយ៉ាន់ដាយពណ៌មួយគ្រឿងបានបុកជាមួយរថយន្តឆ្លាមក្នុងទិសដៅបញ្ច្រាសគ្នា បណ្ដាលឲ្យរថយន្តទាំងពីរធ្លាក់ពីលើថ្នល់ខូចខាតយ៉ាងដំណំ តែសំណាងល្អមិនមានអ្នករងរបួសធ្ងន់នៅក្នុងហេតុការនោះៗទេ។
ហេតុការគ្រោះថ្នាក់ចរាចរខាងលើ បានកើតឡើងនៅលើកំណាត់ផ្លូវជាតិលេខ១ស្ថិតក្នុងភូមិព្រៃខ្លា ឃុំកំពង់សឹង ស្រុកព្រះស្តេច ខេត្តព្រៃវែង។ ពាក់ព័ន្ធករណីខាងលើលោកនាយប៉ុស្តិ៍នគរបាលឃុំកំពង់សឹងបានឲ្យកម្ពុជាថ្មីដឹងថា បើយោងតាមសាក្សីនៅកន្លែងកើតហេតុដែលជាអ្នកបានឃើញហេតុការណ៍បាននិយាយថា នៅព្រឹកថ្ងៃទី៧ ខែមករាឆ្នាំ២០១៥វេលាម៉ោងប្រហែលជា១០នឹង២០នាទីឡេឃើរថយន្តម៉ាកហ៊ីយាន់ដាយពណ៌សពាក់ស្លាកល លេខភ្នំពេញ3A9634ចំណុះ២តោនកន្លះធ្វើដំណើរពីទិសខាងលិចទៅកើតបើកបរ ដោយបុរសម្នាក់មិនស្គាល់អត្តសញ្ញាណពេលដែលមកដល់ចំណុចកើតហេតុស្រាប់តែរថយន្តខាងលើបានវ៉ានឹងរថយន្តមួយទៀត ហើយបានទៅបុកនឹងរថយន្តឆ្លាមដែលមានទិសដៅបញ្ច្រាសគ្នា(មានទិសដៅពីកើតទៅលិច)ចំនែកខាងឆ្វេងរថយន្តបណ្តាលឲរថយន្តទាំងពីធ្លាក់ពីលើថ្នល់មកចិញ្ចើមថ្នល់ខាងស្តាំដៃរថយន្តឆ្លាមចូលទឹក តែសំណាងល្អណាស់ដោយគ្មានអ្នកណាម្នាក់រងរបួសនៅក្នុងហេតុការខាងលើនេះទេ។ ប្រភពក៏បានបន្តឲ្យដឹងទៀតថា ក្រោយពេលកើតហេតុភ្លាមនោះ គេឃើញអ្នកបើកបររថយន្តហ៊ីយ៉ាន់ដាយ បានចុះពីលើរថយន្ត ហើយដាក់មេប្រូចគេចខ្លួនបាត់ស្រមើលចំណែកឯអ្នកជិះរថយន្តឆ្លាមពណ៌ទឹកប្រាក់ពាក់ស្លាកលេខភ្នំពេញ2L9619បើកបរដោយបុរសម្នាក់ឈ្មោះ ញែម គីមតាំ ភេទប្រុស អាយុ៤៨ឆ្នាំរស់នៅភូមិស្រះវង់សង្កាត់ សង្កាត់ស្វាយរៀង ក្រុងស្វាយរៀង។ ក្រោយពេលកើតហេតុក៏មានវត្តមានសមត្ថកិច្ចនគរបាលប៉ុស្តិ៍កំពង់សឹងមកដល់កន្លែងកើតហេតុ ហើយបានហៅសមត្ថកិច្ចជំនាញចរាចរមក
ធ្វើការវាស់វែងផងដែរ បន្ទាប់ពីធ្វើការវាស់វែង រួចសមត្ថកិច្ចបានហៅរថយន្តស្ទូចមកស្ទូចយករថយន្តទាំងពីរទៅរក្សាទុកនៅប៉ុស្តិ៍នគរបាល ឃុំកំពង់សឹងរង់ចាំដោះស្រាយតាច្បាប់៕
0 Comments