គួរបញ្ជាក់ថា នៅវេលាម៉ោង១០ព្រឹកថ្ងៃទី៤ ខែសីហា ឆ្នាំ២០១៥ សមត្ថកិច្ចនគរបាលព្រហ្មទណ្ឌកម្រិតស្រាលក្រុងភ្នំពេញបានបញ្ជូនលោកជូជាសារិ ភេទប្រុស ៥៦ឆ្នាំមានតួនាទីជាអគ្គនាយករងធនាគារពាណិជ្ជកម្មក្រៅប្រទេសនៃកម្ពុជាហៅUTB ទទួលបន្ទុកផ្នែកនាយកដ្ឋានឥណទានមកតុលាការក្រុងភ្នំពេញពាក់ព័ន្ធនឹងបទល្មើសរំលោភលើទំនុកចិត្តមានទឹកប្រាក់ចំនួន១ ៦០០ ០០០ដុល្លារ។
លោកជូ ជាសារិ បានដកប្រាក់នោះទៅប្រើប្រាស់ក្នុងពេលលោកមានតួនាទីជាអនុប្រធាននាយកដ្ឋានឥណទាន ហើយគាត់ពុំមានប្រាក់បង្វិលសងធនាគារវិញ ទើបធនាគារបានប្ដឹង ឲ្យសមត្ថកិច្ចចាប់ខ្លួនបញ្ជូនមកតុលាការ ហើយតុលាការបានសម្រេចចោទប្រកាន់លោកជូ ជាសារិ ពីបទរំលោភលើទំនុកចិត្តពិសេស ដោយអភិបាលតាមមាត្រា៣៩៣នៃក្រមព្រហ្មទណ្ឌនៅរសៀលថ្ងៃទី៤ ខែសីហានេះ៕
តុលាការចោទប្រកាន់អគ្គនាយករងធនាគារUTBពីបទរំលោភលើទំនុកចិត្តពិសេស ដោយអភិបាល
0 Comments