លោក បានលើកទ្បើងបន្ថែមទៀតថា ពលរដ្ឋខ្មែរដែលរងការ បាញ់ប្រហារពីសមត្ថកិច្ចថៃភាគច្រើនពួកគាត់ឆ្លងដែនដោយខុសច្បាប់ទៅលួចកាប់ឈើក្រញូង ជួញដូរគ្រឿងញៀន និងប្រព្រឹត្តអំពើ ចោរកម្ម។ ក្នុងនោះមានប្រជាពលរដ្ឋក្នុងនោះប្រមាណជាង៦០នាក់ ដែលចូលកាប់ឈើក្រញូងដោយខុសច្បាប់ ត្រូវបានសមត្ថកិច្ចថៃបាញ់ឲ្យស្លាប់ចំនួន៥នាក់ របួសម្នាក់ រត់រួចខ្លួន១៥នាក់ ដោះលែងឲ្យវិលត្រឡប់១៥នាក់ និងផ្ដន្ទាទោសឲ្យជាប់ពន្ធនាគារ២៩នាក់។
ថ្លែងទៅកាន់មន្ត្រីក្រោមឱវាទក្នុងពិធីនោះ លោកឧត្តមសេនីយ៍ សៀក សុជាតិ នាយរងសេនាធិការចំរុះនិងជានាយកទីចាត់ការ ការងារព្រំដែនបាន ធ្វើការផ្តាំផ្ញើដល់មន្ត្រីការិយាល័យទាំងអស់ត្រូវបន្តខិតខំបន្ថែមទៀតក្នុងរឹតចំណងទំនាក់ទំនងល្អជាមួយប្រទេសជិតខាងជាប់ព្រំដែនដើម្បីបង្កើនភាពងាយស្រួលក្នុងការជួយអន្តរាគមន៍ដល់ប្រជាពលខ្មែរ ដែលមានបញ្ហាក្នុងទឹកដីប្រទេសគេ។ ពិសេសគ្រប់មន្ត្រីដែលឈរជើងតាមច្រកព្រំដែនត្រូវគ្រប់គ្រងឲ្យបាននូវរាល់ការចេញចូលរបស់ប្រជាពលរដ្ឋខ្មែរទៅក្នុងទឹកដីថៃនិងពលរដ្ឋថៃចូលមកកម្ពុជា៕
ពលរដ្ឋខ្មែរ៥នាក់ក្នុងចំណោម៦០នាក់ ត្រូវបានសមត្ថកិច្ចថៃបាញ់សម្លាប់ និងចាប់ខ្លួនផ្ដន្ទាទោស
0 Comments