ការមករួមរស់ជាមួយគណបក្សប្រជាជនកម្ពុជានាពេលនេះ ដោយសារគាត់មានស្មារតីយល់ឃើញយ៉ាងមុតមាំនរាល់ការដឹកនាំរាជរដ្ឋាភិបាលកម្ពុជា ដោយគណបក្សប្រជាជនជាពិសេសសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដឹកនាំប្រកបដោយគតិបណ្ឌិត និងភាពឈ្លាសវៃ បានដឹកនាំប្រទេសឈាន ទៅភាពរីកចម្រើន។ ហើយការចូលមករួមរស់នេះតាមរយៈលោក អ៊ូ សំអួន អភិបាលខេត្តកំពង់ស្ពឺ ដែលជាថ្នាក់ដឹកនាំដ៏ល្អ និងអាចជាទីទុកចិត្តបាននិងមានការអភិវឌ្ឍរហូតមានគាំទ្រយ៉ាងខ្លាំងពី សំណាក់ប្រជាជនក្នុងខេត្តនិងក្រៅខេត្តតែងតែសសើរពីស្នាដៃរបស់លោក។
លោក វ៉ាន់ សំអឿន អតីតតំណាងរាស្ត្របក្សសង្គ្រោះជាតិមណ្ឌលកំពត ដែលបច្ចុប្បន្ន ត្រូវជាទីប្រឹក្សារបស់សម្តេចនាយករដ្ឋមន្ត្រី បានដឹកនាំសមាជិកទាំង១១នាក់មករួមរស់ជាមួយគណបក្សប្រជាជនបានមានប្រសាសថាការមកចូលរួមជីវភាពនយោបាយក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយស្មាតីស្រឡាញ់ជាតិ ចង់ចូលរួមដោះស្រាយបញ្ហាជូនជាតិ ទើបគាត់បានសម្រេចចិត្តមក រួមរស់ជាមួយបក្សប្រជាជន។
អតីតតំណាងរាស្ត្របានបន្តថា ហើយការមករួមរស់នាពេលនេះដោយលោកស្រឡាញ់ឆន្ទៈ ក្នុងការដឹកនាំរបស់បក្សប្រជាជនមិនមែនជារឿងលក់ឧត្តមគតិដូច ដែលអ្នកស្រឡាញ់ផ្កាប់មុខ មិនយល់ពីការពិត។ ដោយលោកបានយកឧទាហរណ៍រឿងព្រំដែនមកលំអិតថា បក្សប្រជាជន គេធ្វើតាមច្បាប់ដោយសម្ដេចអគ្គមហាសេនាបតីតេជោ ហ៊ុន សែន បានធ្វើកាតអំពាវនាវរក ផែនទីពីប្រទេសមហាអំណាចមកតតាំង តាមផ្លូវច្បាប់។ ដោយឡែកបក្សសង្គ្រោះជាតិបែរជា នាំគ្នាកែនកំលាំងប្រជាជនស៊ីវិលទៅកាន់ព្រំដែនមានទំនាស់ ដោយមិនខ្វាយខ្វល់ពីការប្រឈមនានានៅតាមបន្ទាត់ព្រំដែនដែលមិនទាន់ច្បាស់លាស់នោះ។
លោក ប្រាក់ ណុប ជាសមាជិកក្រុមប្រឹក្សាខេត្តកំពង់ស្ពឺបក្សសង្គ្រោះជាតិ បានលើកឡើងដែរ ថា ការមករួមរស់ជាជាមួយគ្នានាពេលនេះ គឺបានបង្ហាញឆន្ទស្នេហាជាតិនិងគោរពស្រឡាញ់ ពលរដ្ឋដូចគណបក្សប្រជាជនដែរ ដោយ សារតែកន្លងមករូបលោកនៅក្នុងបក្សសង្គ្រោះជាតិ ឃើញតែភាពបក្សពួកនិយម មិនស្មោះត្រង់ និងគ្នាមិនទុកចិត្តគ្នា ចែងចែកបក្សពួករវាងមន្ត្រី ថ្នាក់និងថ្នាក់លើ ទើបរូបគាត់គិតថាមិនសមជាបក្សដែលស្រឡាញ់ជាតិគាត់ក៏សម្រេច ចិត្តមក រួមរស់ជាមួយបក្សប្រជាជន និងបានសន្យាមិនត្រឡប់ទៅវិញជាដាច់ខាត។
អតីតសមាជិកក្រុមប្រឹក្សាសង្គ្រោះជាតិដដែល បានអំពាវនាវលើកឡើងសុំសមាជិកសមាជិកា ទាំងរបស់បក្សដែលធ្លាប់រស់នៅជាមួយគាត់មេត្តាប្រើឆន្ទៈឧត្តមគតិជាតិ មករួមរស់ជាមួយ គាត់ជាមួយបក្សប្រជាជនយើងធ្វើការរួមគ្នាកសាងរួមគ្នា និងរស់នៅជាមួយគ្នាមិនគិតពីនិន្ទា ការអ្វីឡើយ។
បញ្ជាក់ថា សមាជិកសរុបទាំង១១នាក់ ដែលមកចូលរួមជាមួយគណបក្សប្រជាជនកម្ពុជានោះរួមមាន ទី១. អ៊ុង មាន ភេទប្រុស ជាបុគ្គលិកអង្គការនៅស្រុកថ្ពង ទី២.ម៉ុក ម៉ៃ ជាបុគ្គលិកអង្គការនៅខេត្តកំពង់ស្ពឺ ទី៣. ម៉ៅ សុគុណ ជាបុគ្គលិកអង្គការនៅខេត្តកំពង់ស្ពឺ ទី៤.ធម្ម ផល ភេទប្រុស ជាបុគ្គលិកអង្គការនៅខេត្តកំពង់ស្ពឺ ទី៥. លុយ លឹម ភេទប្រុស ជាបុគ្គលិកអង្គការនៅខេត្តកំពង់ស្ពឺ ទី៦.ប្រាក់ ណុប ភេទប្រុស ជាសមាជិកក្រុមប្រឹក្សាខេត្ត ទី៧. នៅ សារ៉ាត់ បេក្ខភាព តំណាងរាស្ត្រ ទី៨. សុខ សុវណ្ណ ជាគ្រូបង្រៀននៅស្រុកបរសេដ្ឋ ទី៩. សូ សារឹម ជាគ្រូពេទ្យនៅស្រុកឧដុង្គ ទី១០. សារិន ពៅ បេក្ខភាពតំណាងរាស្ត្រ និងទី១១. វ៉ាន់ សំអឿន តំណាងរាស្ត្រ ។ នេះជាព្រឹត្តិការណ៍ជាប្រវត្តិសាស្ត្រថ្មីលើទឹកដីខេត្តកំពង់ស្ពឺ ដោយលោក អ៊ូ សំអួន ជាអភិបាលខេត្តបានជួបសំណេះសំណាលដោយបានអញ្ជើញសមាជិកសមាជិកាថ្មី ដែលបានចូលរួមជាមួយបក្សប្រជាជន ពិសារភោជអាហារសាមគ្គី ក្នុងន័យខិតខំប្រឹងប្រែងអភិវឌ្ឍន៏រួម គ្នា ដឹកនាំប្រទេសរួមគ្នា ស្រឡាញ់ជាតិរួមគ្នា៕
សមាជិកបក្សសង្គ្រោះជាតិ១១នាក់ បានសម្រេចចិត្តមករួមរស់ជាមួយបក្ស ប្រជាជន
0 Comments