បើតាមមន្ត្រីនគរបាលប៉ុស្តិ៍សង្កាត់បន្ទាយដីបានឲ្យដឹងថា នៅម៉ោង៧និង៣០នាទីយប់ ថ្ងៃទី២០ ខែកក្កដា ឆ្នាំ២០១៥ មានបុរសម្នាក់ឈ្មោះ ពែង ណាក់ ហៅពេជ្រ អាយុ៥៩ឆ្នាំ រស់នៅកន្លែងកើតហេតុក្នុងភូមិកែវមន្នី សង្កាត់បន្ទាយដី ក្រុងពោធិ៍សាត់ បានផឹកស្រាស្រវឹង ហើយទៅជក់កញ្ឆាបណ្ដាលឲ្យញៀនកញ្ឆានោះខ្លាំង ក៏បានប្រើអំពើហិង្សាវាយក្រុមគ្រួសារ ប្រពន្ធ និងកូន ទើបសមត្ថកិច្ចនគរបាលចុះអន្តរាគមន៍ឃាត់ខ្លួនជនសង្ស័យនេះមកកាន់អធិការនគរបាលក្រុងពោធិ៍សាត់ចាត់ការផ្លូវច្បាប់តែម្ដង។
បន្ទាប់ពីឃាត់ខ្លួនជនសង្ស័យករណីហិង្សានេះរួចភ្លាម មន្ត្រីនគរបាលសង្កាត់ផ្ទះព្រៃបានឲ្យដឹងថា ជនសង្ស័យម្នាក់ឈ្មោះ មីវ យ៉ាន អាយុ២៧ឆ្នាំ ដែលមានទីលំនៅឯភូមិតាម៉ៅ ឃុំរាធរ ស្រុកព្រះស្ដេច ខេត្តព្រៃវែង បានមកស្នាក់នៅកន្លែងកើតហេតុក្នុងភូមិពាលញែក០១ សង្កាត់ផ្ទះព្រៃ ក្រុងពោធិ៍សាត់ ដើម្បីធ្វើការងារជាអ្នកព្រូឡានឲ្យគេនោះ។
នៅវេលាម៉ោង៨និង៣០នាទីយប់ ថ្ងៃទី២០ ខែកក្កដា ឆ្នាំ២០១៥ ក៏បានផឹកស៊ីស្រវឹងជោកជាំនិងផ្ទុះកំហឹងចេញពីខ្លួន ដោយសារតែជាតិស្រាចូលខ្លួន ក៏បានប្រើអំពើហិង្សាវាយបំផ្លាញទ្រព្យសម្បត្តិរបស់ថៅកែខ្លួនឯង ខូចខាតអស់មួយចំនួន ធ្វើឲ្យថៅកែខឹង ប្ដឹងនគរបាលចាប់ឃាត់ខ្លួនបញ្ជូនជនសង្ស័យនេះទៅកាន់អធិការនគរបាលក្រុងទាំងយប់ចាត់កាបន្តតែម្ដង។
លោក ឈន រិទ្ធិ អធិការនគរបាលក្រុងពោធិ៍សាត់បានឲ្យដឹងថា ជនសង្ស័យទាំងពីរនាក់ត្រូវបានចាប់ខ្លួនជាបន្តបន្ទាប់ ពីបទហិង្សាដោយចេតនា ផ្ដើមពីផឹកស្រាស្រវឹង វាយប្រពន្ធកូន និងម្នាក់ទៀតវាយបំផ្លាញទ្រព្យសម្បត្តិអ្នកដទៃនោះ សមត្ថកិច្ចកំពុងសួរចម្លើយ ដើម្បីបង្កសំណុំរឿងបញ្ជូនបន្តទៅព្រហ្មទណ្ឌកម្រិតស្រាល នៅស្នងការដ្ឋាននគរបាលខេត្តពោធិ៍សាត់ ព្រោះក្នុងចំណោម២នាក់នោះ មានម្នាក់ឈ្មោះ ពែង ណាក់ ហៅពេជ្រ អាយុ៥៩ឆ្នាំនោះ ធ្លាប់ជាប់គុកម្ដងរួចទៅហើយ៕
នគរបាលក្រុង ឃាត់ខ្លួនបុរស២នាក់ជាបន្តបន្ទាប់ ពីរកន្លែងផ្សេងគ្នា
0 Comments