១១ គ្រាប់របស់ ចាន់ វឌ្ឍនាកា ទាត់បញ្ជូលទីក្រុម គីរីវង់សុខសែនជ័យ ៨ គ្រាប់ ទាត់ចូលក្រុមខេមបូឌានថៃហ្គ័រ ២ គ្រាប់ និង ទាត់ចូលក្រុមខេត្តស្វាយរៀង ១ គ្រាប់ ក្នុងប្រកួតចុងក្រោយនៅកីឡដ្ឋានកងយោធពលខេមរភូមិន្ទ (ស្ដាតចាស់) គ្រាដែលបឹងកេត ឈ្នះ ស្វាយរៀង ៥ ទល់ ។
ក្រៅពីកីឡាករ ចាន់ វឌ្ឍនាកា ដែលរកគ្រាប់បានច្រើនជាងគេបណ្ដោះអាសន្ន គេក៏សង្កេតឃើញកីឡាករ Bisan Goerge របស់ក្លិបភ្នំពេញក្រោន និង កីឡាករ Gorge Kelechi Stanley របស់ក្រុមអាស៊ីអឺរ៉ុប រកគ្រាប់បាល់តាមពីក្រោយបានម្នាក់ ៨ គ្រាប់ ខណៈកីឡាករ Dzarma Bata របស់ក្រុមខេត្តស្វាយរៀង រកបាន ៦ គ្រាប់ម្នាក់ឯងផងដែរ។
ចំណែកកីឡាករ ៦ នាក់ផ្សេងទៀត មានដូចជា កីឡាករ Adeyanju Omokafe របស់បៀលប្រាយ កីឡាករ Tijani Mohammed របស់វេស្ទើនភ្នំពេញ កីឡាករ ឯក សុភាព របស់គីរីវង់សុខសែនជ័យ កីឡាករ Mathew Osa របស់វេស្ទើនភ្នំពេញ កីឡាករ Yumi Joseph របស់បឹងកេតអង្គរ និង កីឡាករ Masto Yoshihara របស់ក្រុមខេមបូឌានថៃហ្គឺរ រកគ្រាប់បាល់បានម្នាក់ ៥ គ្រាប់។
រាប់ត្រួសៗ ត្រឹមសប្ដាហ៍ទី ៦ នៃពានរង្វាន់ MCL 2015 នេះគ្រាប់បាល់ទាត់បញ្ជូលទីគ្នាទៅវិញទៅមកកើនដល់ ១៤៥ គ្រាប់ហើយ ដោយថ្វីជើងចំនួនកីឡាករ ៥៨ នាក់មកពី ១២ ក្លិបជាសមាជិកក្នុងពានរង្វាន់នេះ។
MCL 2015 មានក្រុមចូលរួមចំនួន ១២ ដោយសហព័ន្ធកីឡាបាល់ទាត់កម្ពុជា (FFC) តម្រូវឱ្យក្រុមទាំងនោះប្រកួតគ្នាចំនួន ២ ជុំ មានប្រកួតសរុបចំនួន ២២ លើក ហើយក្រុមដែលមានពិន្ទុច្រើនជាងគេចំនួន ៤ មានឈ្មោះឡើងទៅប្រកួតជម្រុះដើម្បីស្វែងរកក្រុមជើងឯកប្រចាំរដូវកាល អមដោយប្រាក់រង្វាន់ ៦០ លានរៀល។ ចំណែកកីឡាករដែលទាត់បញ្ចូលទីបានច្រើនជាងគេប្រចាំរដូវកាល នឹងទទួលបានស្បែកជើងមាស ១ អមដោយទឹកប្រាក់លើកទឹកចិត្ត ១ លាន ៥ សែនផងដែរ៕
ចាន់ វឌ្ឍនាកា បន្តឈរលើកំពូលតារាងអ្នកទាត់បញ្ចូលទីបានច្រើនជាងគេក្នុង MCL 2015 គិតត្រឹមសប្ដាហ៍ទី ៦ នេះ
0 Comments