របាយការណ៍ដដែលបានឲ្យដឹងទៀតថា ក្នុងចំណោម៨១នាក់នោះមានម្នាក់ទទួលបានមេដាយមាស១៤នាក់ទទួលបានមេដាយប្រាក់៣១នាក់ទទួលបានមេដាយសំរឹទ្ធ១៩នាក់ទទួលបានពានរង្វានកិត្តិយស១០នាក់ទទួលបានពានរង្វាន់ល្អប្រសើរបំផុត២នាក់ ទទួលបានពានរង្វាន់ល្អបំផុតក្នុងការប្រកួត៤នាក់ទទួលបានពានរង្វាន់ពិសេសនិង២នាក់ ទទួលបានពានរង្វាន់វិទ្យាសាស្ត្រវ័យក្មេង។
កាលពីពេលថ្មីៗនេះសិស្សពូកែកម្ពុជាចំនួន២នាក់ម្នាក់ទទួលបានមេដាយសំរិទ្ធិនិងម្នាក់ទៀតទទួលបានពានកិត្តិយសក្នុងការប្រឡងរូបវិទ្យាអូឡាំព្យាដអន្តរជាតិលើកទី៤៦នៅប្រទេសឥណ្ឌា។
សិស្សទទួលបានជ័យលាភីពីរនាក់នោះ គឺទី១ប្អូនប្រុសហេងសូវីរ៉ូរៀននៅវិទ្យាល័យបាក់ទូករាជធានីភ្នំពេញទទួលបានមេដាយសំរិទ្ធិ និងប្អូនស្រីប្រាក់ស៊ីវហួររៀននៅវិទ្យាល័យមង្គលបូរីខេត្តបន្ទាយមានជ័យទទួលបានពានកិត្តិយស។ ការប្រឡងរូបវិទ្យាអូឡាំព្យាដទ្វីបអាស៊ីលើកទី១៦ នៅប្រទេសចិនដែលប្រព្រឹត្តិទៅពីថ្ងៃទី៣ដល់ថ្ងៃទី១១ខែឧសភាឆ្នាំ២០១៥ប្អូនប្រុសហេងសូវីរ៉ូក៏ទទួលបានមេដាយសំរិទ្ធិនិងប្អូនស្រីប្រាក់ស៊ីវហួរ ទទួលបានពានកិត្តិយសដែរ។
កាលពីថ្ងៃទី១៦ ខែកក្កដាកន្លងទៅក៏មានសិស្សពូកែកម្ពុជា ផ្នែកគណិតវិទ្យាអូឡាំព្យាដលើកទី៥៦នីទីក្រយុឈៀងម៉ៃប្រទេសថៃ ហើយមានសិស្សកម្ពុជាចំនួនពីររូប បានទទួលបានពានកិត្តិយសផងដែរក្នុងចំណោមបេក្ខជនចូលរួមប្រលងចំនួន៧៥៧មកពី១០៤ប្រទេស៕
គិតត្រឹមខែកក្កដានេះ សិស្សពូកែកម្ពុជា៨១នាក់ បានទទួលបានមេដាយ និងពានរង្វាន់កិត្តិយស
0 Comments