កណ្ដាល ៖ រថយន្តបាឡែនមួយគ្រឿងបានធ្វើដំណើរមកពីខេត្តស្វាយរៀងក្នុងទិសដៅមកក្រុងភ្នំពេញ ស្រាប់តែបើកមកដល់ក្នុងទឹកដីស្រុកកៀនស្វាយ ខេត្តកណ្ដាលក៏ឆ្លងចរន្តភ្លើងឆាបឆេះយ៉ាងសន្ធោសន្ធៅបង្កភ្ញាក់ផ្អើលដល់ប្រជាពលរដ្ឋ និងសមត្ថកិច្ច។ ប៉ុន្តែស្ថិតនៅក្នុងស្ថានភាពនោះមិនអាចជួយពន្លត់បានទេ។
ហេតុការណ៍នេះបានកើតឡើងនៅថ្ងៃទី២៨ ខែកញ្ញា ឆ្នាំ២០១៥ វេលាម៉ោង១២និង១០នាទីរំលងអធ្រាត្រ ត្រង់ចំណុចចន្លោះគីឡូម៉ែត្រ២០-២១ ស្ថិតក្នុងភូមិចិនកោះ ឃុំគគីរ ស្រុកកៀនស្វាយ ខេត្តកណ្ដាល។ ម្ចាស់រថយន្តឈ្មោះសំ សុធា ភេទប្រុស អាយុ២៧ឆ្នាំជនជាតិខ្មែរ មុខរបរនគរបាលមានទីលំនៅភូមិស្រែប៉ូ ឃុំស្រែឫស្សីស្រុក ស្រែឫស្សី ខេត្តស្ទឹងត្រែង បានបើករថយន្ដមួយគ្រឿងម៉ាកកាមរីបាឡែន ពណ៌សពាក់ស្លាកលេខភ្នំពេញ2W.5322។ លុះពេលមកដល់ចំណុចកើតហេតុរថយន្តក៏ឆ្លងចរន្តភ្លើងបណ្ដាលឲ្យឆេះតែម្ដង តែមិនបណ្ដាលឲ្យគ្រោះថ្នាក់ដល់មនុស្សឡើយ។ ចំណែករថយន្តឆាបឆេះអស់សល់គ្រោងឆ្អឹង៕
រថយន្តបាឡែនឆេះសន្ធោសន្ធៅតាមបណ្ដោយផ្លូវជាតិលេខ១
0 Comments