ភ្នំពេញ ៖ ប្រធានក្រុមប្រឹក្សារាជធានីភ្នំពេញ លោកម៉ប់ សារិន បានលើកឡើងថា បើប្រទេសមហាអំណាចកើតត្រឹមជំងឺផ្តាសាយ ប្រទេសក្រីក្រនឹងកើតមានជាជំងឺធ្ងន់ធ្ងរជា មិនខាន។
ការលើកឡើងបែបនេះរបស់លោកប្រធានក្រុមប្រឹក្សាដូថ្នេះបានធ្វើឡើង ក្នុងឧិកាសជួបសំណេះសំណាលជា មួយលោកឈួយ ស៊ីងជៀន សមាជិកគណៈកម្មាធិការអចិន្ត្រៃយ៍នៃសភាទីក្រុងប៉េកាំង,អគ្គលេខាធិការនិងជាអគ្គនាយកនៃការិយាល័យស្រាវជ្រាវនៃសភាទីក្រុងប៉េកាំងសាធារណរដ្ឋប្រជាមានិត្យចិន នាព្រឹកថ្ងៃទី៣ធ្នូ នៅសាលារាជធានីភ្នំពេញ ហើយការលើកឡើងនេះ គឺសំដៅទៅលើការវិវាទ សងសឹកគ្នា ក្នុងការយកពន្ធទំនិញរវាងចិន និងសហរដ្ឋអាមេរិកនាពេលនេះ។ តែទោះយ៉ាងណារឿងនេះនឹងអាចមានវិធីដោះស្រាយបានល្អប្រសើរឡើងវិញ ព្រោះបើបញ្ហា នេះកើតឡើងកាន់តែធំ មានប្រទេសជាច្រើនក៏នឹងប៉ះពាល់ដែរ។
ក្នុងឱកាសនោះដែរ លោកម៉ប់ សារិន ក៏បានជម្រាបជូនភ្ញៀវពីដំណើរការអភិវឌ្ឍន៍រាជធានីភ្នំពេញឡើងវិញក្នុងរយៈពេល៤០ឆ្នាំចុង ក្រោយនេះ តែយើងមានឱកាសពេញលេញក្នុងការអភិវឌ្ឍន៍តែរយៈពេល២០នេះតាមនយោបាយឈ្នះៗរបស់សម្តេចតេជោហ៊ុនសែន ដែលធ្វើឲ្យខ្មែរឈ្នះទាំងអស់គ្នាបន្ទាប់ពីយើងបានឆ្លងកាត់សង្គ្រាមដ៏រ៉ាំរៃ ពិសេសរបបប្រល័យពូជសាសន៍ប៉ុលពតធ្វើឲ្យយើងបាត់បង់ទាំងជីវិតមនុស្ស,ធនធាន,ពិសេសធនធានមនុស្សហើយការរស់នៅប្រកបដោយការភ័យខ្លាច។ តែពេលបច្ចុប្បន្នខុសពីពេលមុនយើងភ័យខ្លាចរឿងស្ទះចរាចរទៅវិញ។
លោកប្រធានក្រុមប្រឹក្សារាជធានីភ្នំពេញ បានថ្លែងអំណរគុណដល់មិត្តចិនដែលបានជួយដល់កម្ពុជា ក៏ដូចជាជួយដល់រាជធានីភ្នំពេញលើការអភិវឌ្ឍន៏រួមទាំងការវិនិយោគដ៏ខ្លាំងដែលធ្វើឲ្យទុនវិនិយោគរបស់ចិនមានជាង១៥០០លានដុល្លាអាមេរិកគិតត្រឹមឆ្នាំ២០១៧ ពិសេសលើវិស័យអចលនទ្រព្យ។ ចំពោះអ្នកទេសចរណ៍ចិនវិញបានកើតឡើងយ៉ាងខ្លាំងផងដែរ ពោលគឺក្នុងចំណោមអ្នកទេសចរណ៍មកកម្ពុជាមកលេងនៅខេត្តសៀមរាប៥លាន៦សែននាក់ មានអ្នកទេសចរណ៍រហូតដល់១លាន២សែននាក់ទៅហើយ។
លោកឈួយ ស៊ីងជៀន ក្នុងជំនួបនោះបានថ្លែងថា ទំនាក់ទំនងចិន.កម្ពុជាបានកើតមានឡើងតាំងពីសម័យព្រះករុណាព្រះបាទម្តេចព្រះនរោត្តមសីហនុ ព្រះបរមរតនៈកោដ្ឋ ហើយបានបន្តមកដល់បច្ចុប្បន្នដែលត្រូវបានពង្រឹងពង្រីកថែម ទៀតឈានដល់ទំនាក់ទំនងគ្រប់ជ្រុងជ្រោយនិងកំពុងអនុវ ត្តនយោបាយផ្លូវ១ខ្សែ ក្រវាត់១របស់ថ្នាក់ដឹកនាំប្រទេសយើងទាំង២។
លោកបន្តថា ទីក្រុងប៉េកាំង និងរាជធានីភ្នំពេញបានជួបនូវបញ្ហាចរាចរ និងសំរាមដូចគ្នាដែលបញ្ហានេះកើតឡើង បណ្តាលមកពីល្បឿននៃការអភិវឌ្ឍន៏ទីក្រុងធ្វើឲ្យប្រជាជនតាមមិនទាន់ តែការដោះស្រាយនៅតែមាន៕
Source: Kampuchea Thmey Daily
0 Comments