គិលានុប្បដ្ឋាយិកាដែលជាឃាតកសម្លាប់មនុស្សជាបន្តបន្ទាប់នោះត្រូវបានទទួលរងការផ្តន្ទាទោសកាលពីថ្ងៃសុក្រ ឲ្យជាប់ពន្ធនាគារអស់មួយជីវិតដោយសារប្រព្រឹត្តអំពើមនុស្សឃាតទៅលើអ្នកជំងឺ៤នាក់ ថ្វីបើប៉ូលិសនៅតែដាក់ការសង្ស័យថា ស្ត្រីនោះអាចទទួលខុសត្រូវក្នុងការធ្វើឲ្យស្លាប់មនុស្សអាចមានដល់ទៅ១០នាក់ក្តី។
មន្ត្រីស៊ើបអង្កេតជឿជាក់ថា អ្នកជំងឺដែលស្ថិតក្នុងសភាពធ្ងន់ធ្ងរ ប៉ុន្តែនៅពុំទាន់ដល់ពេលផុតដង្ហើមនោះទេ បែរជាស្លាប់ដោយសារតែការឲ្យថ្នាំទប់ទល់នឹងការកកឈាមលើសកម្រិតដូហ្សប្រើប្រាស់ឈ្មោះថ្នាំ Eparina ដោយស្ត្រីជនជាប់ចោទឈ្មោះ Fausta Bonino នេះ។
ស្ត្រីឈ្មោះ Bonino អាយុ៥៦ឆ្នាំបានប្រកែកថា ខ្លួនមិនបានប្រព្រឹត្តនូវអ្វីដូចការចោទប្រកាន់នោះ ឡើយ បន្ទាប់ពីសេចក្តីសម្រេចទោសពីបទប្រព្រឹត្តមនុស្សឃាតដោយចេតនាត្រូវបានប្រកាសរួចមក។ រីឯមេធាវីរបស់ស្ត្រីរូបនេះបាននិយាយថា កូនក្តីរបស់ខ្លួនអាចប្តឹងឧទ្ធរណ៍បាន។
គាត់ត្រូវចាប់ខ្លួនក្នុងឆ្នាំ២០១៦ បន្ទាប់ពីមានការពិនិត្យម៉ត់ចត់ឡើងវិញអំពីករណីស្លាប់ខុសប្រក្រតីនៅឯមន្ទីរពេទ្យដែលត្រូវបានរកឃើញពីស្ត្រីគិលានុបដ្ឋាយិការូបនេះ ថាជាបុគ្គលិកតែម្នាក់គត់ដែលពាក់ព័ន្ធនៅគ្រប់ករណីរឿងក្តីនេះ៕
អា.អេហ្វ.ប៉េ
Source: Kampuchea Thmey Daily
0 Comments