វិរបុរសបាល់ទាត់របស់ក្រុមជម្រើសជាតិអាហ្សង់ទីន លោក Diego Maradona បាននិយាយឲ្យដឹងនៅថ្ងៃនេះថា លោកនឹងតតាំងដល់ទីបញ្ចប់ជាមួយនឹងក្រុមម៉ាហ្វៀ ជាការឆ្លើយតបនឹងរឿងអាស្រូវអំពើពុករលួយដែលបានធ្វើឲ្យសហព័ន្ធបាល់ទាត់ពិភពលោក FIFAរង្គោះរង្គើនោះ ប៉ុន្តែលោកបានបញ្ជាក់ផងដែរថា លោកចង់ក្លាយជាប្រធានបន្ទាប់របស់គណៈគ្រប់បាល់ទាត់ពិភពលោកមួយនេះ។
លោក Diego Maradona បាននិយាយប្រាប់ស្ថានីយទូរទស្សន៍អាមេរិកថា លោកត្រូវតែធ្វើសង្គ្រាមជាមួយក្រុមម៉ាហ្វៀដែលមាននៅក្នុង FIFA។ លោកត្រូវតែលុបបំបាត់មនុស្សបែបនេះ ចេញឲ្យអស់ពីក្នុង FIFA។
នៅពេលសួរថា តើលោកនឹងឡើងដណ្តើមតំណែងប្រធាន FIFAពិតមែនទេ អតីតគ្រូបង្វឹករបស់ក្រុមជម្រើសជាតិអាហ្សង់ទីនវ័យ៥៤ឆ្នាំម្នាក់នេះ បានឆ្លើយតបដោយគ្មានការអៀនខ្មាស់ថា បាទជាការពិតណាស់ថា លោកចង់ក្លាយជាប្រធាន FIFA។
គួរឲ្យដឹងថា កាលពីចុងខែឧសភាកន្លងទៅ ក្រុមរដ្ឋអាជ្ញាសហព័ន្ធនៅក្នុងទីក្រុងញូវយ៉ក បាន ធ្វើការចាប់ខ្លួនមន្ត្រីបាល់ទាត់៩នាក់ ដែលភាគច្រើននៃពួកគេគឺជាអ្នកនៅមានតំណែង និងធ្លាប់កាន់តំណែង ពាក់ព័ន្ធនឹងការលាងលុយកខ្វក់១៥០លានផោន អំឡុងរយៈពេល២៤ឆ្នាំកន្លងមកនេះ៕
លោក Diego Maradona សន្យាលុបបំបាត់ក្រុមម៉ាហ្វៀបាល់ទាត់ បើក្លាយជាប្រធាន FIFA
0 Comments