បន្ទាប់បានដឹងថា តារាសម្តែងហុងកុងមួយរូប គឺកញ្ញា Myolie Wu បានប្រកាសចាកចេញ ពីក្រុមហ៊ុនខ្សែភាពយន្តហុងកុងTVB កាលពីខែកក្កដាកន្លងទៅនេះ រហូតមកដល់រសៀលថ្ងៃទី២៦សីហានេះ តាមប្រភពព័ត៌មាន ពីប្រទេសចិនបានអោយដឹងថា ក្រុមហ៊ុន TVB នឹងចាក់បញ្ចាំងខ្សែភាពយន្ត ចុងក្រោយរបស់កញ្ញា Myolie Wu នៅថ្ងៃទី៣១សីហាខាងមុខនេះ។
យោងតាមប្រភពដដែល បានបន្តអោយដឹងទៀតថា ខ្សែភាពយន្តចុងក្រោយរបស់កញ្ញា មួយនោះជាប្រភេទខ្សែភាពយន្ត មនោសញ្ចេតនា ដែលមានចំណងជើងថា ”Every Step You Take” រឺ《陪着你走》” ដោយកញ្ញា Myolie Wu បានសម្តែងជាតួឯកស្រី និងលោក Moses Chan សម្តែងជាតួឯកប្រុស ដោយឡែកក្រៅពីតារាសម្តែងទាំងពីររូបនេះ នៅមានតារាសម្តែងប្រុសស្រីល្បីៗ ជាច្រើនទៀត ដូចជាលោក Evergreen Mak ,កញ្ញា Elaine Yiu, លោក Cilla Kung និងលោក Owen Cheung ជាដើម។
ជាចុងក្រោយ ពាក់ព័ន្ធនឹងខ្សែភាពយន្តមួយនេះ កញ្ញា Myolie Wu បានថ្លែងប្រាប់អ្នកសារព័ត៌មាន ថា កញ្ញា នឹងជួយផ្សព្វផ្សាយរឿងមួយនេះ ទោះបីជាកញ្ញា បានចាកចេញពីTVB ក៏ដោយ៕
រឿង ភាគចុងក្រោយរបស់ Myolie Wu នឹងចាក់បញ្ចាំងនៅថ្ងៃ ទី៣១សីហា ខាងមុខនេះ
0 Comments