បន្ទាប់ពីយន្តហោះរបស់រុស្ស៊ីបានធ្លាក់នៅក្នុងប្រទេសអេហ្ស៊ីបកាលពីសប្ដាហ៍មុន ជាពិសេសប្រទេសអង់គ្លេសបានអះអាងភ្លាមៗថា គ្រោះថ្នាក់នេះគឺជាលទ្ធផលនៃ “គ្រាប់បែកភេរវកម្ម” របស់ក្រុមរដ្ឋឥស្លាម (ISIS)។
អ្វីដែលច្បាស់គឺថា ប្រសិនបើយន្តហោះនេះបានធ្លាក់ដោយគ្រាប់បែកមួយគ្រាប់ដែលត្រូវបានបង្កប់ដោយក្រុម ISIS មែននោះ វានឹងសម្គាល់ជាការវិវត្តដ៏ធំរបស់ក្រុមនេះ។
បើយោងតាមលោក Raffaello Pantucci នៃវិទ្យាស្ថាន Royal United Services បានឲ្យដឹងថា ការវាយប្រហារប្រភេទនេះដោយក្រុម ISIS អាចបញ្ជាក់ពីសមត្ថភាពក្នុងការផលិតគ្រាប់បែករបស់ពួកគេព្រមទាំងសមត្ថភាពក្នុងការនាំយកវត្ថុមួយឡើងលើយន្តហោះ។
ប៉ុន្តែព្រមទាំងរួមជាមួយនឹងបច្ចេកទេសថ្មី ការវាយប្រហារមួយនេះនឹងបង្ហាញពីការផ្លាស់ប្ដូរគួរឲ្យព្រួយបារម្ភនៅក្នុងយុទ្ធសាស្ត្រ។ កាសែត The Times បានអះអាងថា “ប្រសិនបើការធ្លាក់យន្តហោះនេះគឺជាស្នាដៃរបស់សម្ព័ន្ធរបស់ក្រុមរដ្ឋឥស្លាមនៅឧបទ្វីបស៊ីណៃមែននោះ វានឹងសម្គាល់ជាការចាកចេញយ៉ាងសំខាន់សម្រាប់ក្រុមជីហាដនិយមមួយនេះដែលមិនទាន់បានចាប់ផ្តើមការវាយប្រហារទ្រង់ទ្រាយធំបែបនេះប្រឆាំងនឹងជនស៊ីវិល”។
បន្ទាប់ពីជាងមួយឆ្នាំនៃការវាយប្រហារតាមអាកាសរបស់ប្រទេសលោកខាងលិចផ្ដោតសំខាន់លើពួកគេ ក្រុម ISIS បានបរាជ័យក្នុងការចាប់ផ្តើមការវាយប្រហារបែបនេះណាមួយប្រឆាំងនឹងជនស៊ីវិលរបស់លោកខាងលិច។
បន្ទាប់ពីរយៈពេលបួនឆ្នាំនៃដំណើរថយក្រោយ គោលបំណងផ្លាស់ប្ដូររដ្ឋាភិបាលស៊ីរីរបស់លោកខាងលិចត្រូវបានប្រឈមមុខជាមួយនឹងការចូលអនាគមរបស់ប្រទេសរុស្ស៊ី ហើយជម្រើសក្នុងការស្ដារប្រតិបត្តិការឡើងវិញត្រូវបានកំណត់យ៉ាងខ្លាំង។
ការបង្ខំឲ្យប្រទេសរុស្ស៊ីចេញហើយងាកមករកមហាអំណាចដែនអាកាសអាមេរិក និងអង់គ្លេសប្រឆាំងនឹងរដ្ឋស៊ីរីដោយឥតលាក់លៀមបានក្លាយទៅជាគោលដៅដ៏សំខាន់សម្រាប់ផែនការរបស់លោកខាងលិច។
ហើយការធ្លាក់យន្តហោះនៅលើទឹកដីអេហ្ស៊ីបគឺបានកើតមានមុនពេលដំណើរទស្សនកិច្ចផ្លូវរដ្ឋជាលើកដំបូងរបស់លោកប្រធានាធិបតី SiSi ឆ្ពោះទៅកាន់ចក្រភពអង់គ្លេស។
ប្រទេសអេហ្ស៊ីបបានស្ថិតនៅលើផ្លូវបំបែកប្រវត្តិសាស្ត្រ ដោយបានផ្លាស់ប្ដូរពីជំរំសង្គមនិយមចូលទៅក្នុង “គន្លង” របស់លោកខាងលិចក្នុងសម័យ Sadat ក្នុងឆ្នាំ ១៩៧០ ភាពជាអ្នកដឹកនាំរបស់ប្រទេសអេហ្ស៊ីបត្រូវបានចាត់ទុកជាការផ្តាច់ការដោយរដ្ឋាភិបាលទីក្រុង វ៉ាស៊ីនតោន និងទីក្រុងឡុងដ៍ដោយចាប់ផ្តើមពីការដឹកនាំរបស់លោក Mubarak ហើយបានបន្តដល់ការដឹកនាំរបស់លោក Sisi។
លើសពីនេះ រដ្ឋាភិបាលរបស់លោក Mubarak បានឈានជើងចេញពីឯកជនភាវូបនីយកម្ម និងការកែតម្រូវរចនាសម្ព័ន្ធដែលទាមទារដោយមូលនិធិរូបិយវត្ថុអន្តរជាតិ (IMF)។
រដ្ឋមន្ត្រីការបរទេសរបស់ចក្រភពអង់គ្លេសលោក Philip Hammond បានលើកឡើងថា ជាការពិតណាស់ វានឹងមានផលប៉ះពាល់អវិជ្ជមានយ៉ាងខ្លាំងដល់ប្រទេសអេហ្ស៊ីប។ លោកបានប្រកាសបែបនេះបន្ទាប់ពីការសម្រេចចិត្តរបស់ប្រទេសអង់គ្លេសក្នុងការបញ្ឈប់ការហោះហើររបស់ខ្លួនឆ្ពោះទៅកាន់ប្រទេសអេហ្ស៊ីបដែលហាក់ដូចជា មិនមានអ្វីត្រូវស្ដាយក្រោយឡើយ។ ការបាត់បង់ប្រាក់ចំណូលដ៏ធំនៃភ្ញៀវទេសចរអាចនឹងបង្ខំឲ្យអេហ្ស៊ីបទំនងជាវិលចូល IMF វិញ។
អង់គ្លេសនឹងប្រើប្រាស់ការធ្លាក់យន្តហោះនេះ ដើម្បីសរសៀរខ្លួនចូលក្នុងវិស័យយោធា និងសន្តិសុខរបស់អេហ្ស៊ីបសាជាថ្មី។ ជាដំបូងអង់គ្លេសព្យាយាមរកវិធីដើម្បីធ្វើឲ្យអេហ្ស៊ីបអាម៉ាស់មុខ ដោយព្យាយាមបញ្ចុះបញ្ចូលពិភពលោកថា អេហ្ស៊ីបកំពុងអស្ថិរភាពយ៉ាងខ្លាំង ហើយថា មានតែការពឹងផ្អែកលើសន្តិសុខលោកខាងលិចប៉ុណ្ណោះដែលអាចធ្វើឲ្យវាមានសុវត្ថិភាពជាថ្មី។
ជាចុងក្រោយ រដ្ឋាភិបាលអង់គ្លេសនឹងមិនធ្វើឲ្យខកខានចំពោះឱកាស ដើម្បីប្រើសោកនាដកម្មនេះក្នុងការជំរុញឲ្យមានការចូលរួមរបស់អង់គ្លេសកាន់តែជ្រៅនៅស៊ីរីនោះទេ។ រដ្ឋមន្ត្រីការពារជាតិអង់គ្លេសលោក Michael Fallon បានចំណាយពេលពីរថ្ងៃចុងក្រោយនេះដើម្បីពន្យល់ពីវិធី ដើម្បីរឹតបន្តឹងប្រសិនបើយន្តហោះនេះពិតជាធ្លាក់ដោយគ្រាប់បែករបស់ក្រុម ISIS មែននោះ៕
RT
ប្រសិនបើការធ្លាក់យន្តហោះនៅស៊ីណៃពិតជាអំពើភេរវកម្មមែននោះ វានឹងក្លាយជាពេលវេលាដ៏ឥតខ្ចោះសម្រាប់ប្រទេសលោកខាងលិច
0 Comments