ក្រុមមន្ដ្រីនៅទូទាំងប្រទេសមីយ៉ាន់ម៉ា បានរាប់សន្លឹកឆ្នោតកាលពីថ្ងៃចន្ទ បន្ទាប់ពីការបោះ ឆ្នោតជាប្រវត្ដិសាស្ដ្រ ដែលមេដឹកនាំបក្សប្រឆាំងលោកស្រី Aung San Suu Kyi ត្រូវបានគេរំពឹងថា នឹងឈ្នះឆ្នោតដោយងាយស្រួល ប៉ុន្ដែមាគ៌ារបស់បក្សនេះ សម្រាប់ការបង្កើតរដ្ឋាភិបាលមួយនៅតែពោរពេញទៅដោយឧបសគ្គ បើទោះជាប្រទេសនេះនឹងឈានឆ្ពោះមួយជំហានថែមទៀតទៅកាន់លទ្ធិប្រជាធិបតេយ្យក្ដី។
ឆ្ពោះទៅសករាជថ្មីមួយ ដែលមនុស្សវាល់លាននាក់បោះឆ្នោតនៅក្នុងពេលបោះឆ្នោតជាប្រវត្តិសាស្ត្រ នៅថ្ងៃចន្ទ មានការវិភាគដោយកាសែតមួយរបស់រដ្ឋាភិបាលផ្ទាល់អំពីប្រទេសមីយ៉ាន់ម៉ា បានផ្លាស់ប្ដូរប្រែប្រួលចាប់តាំងពីកងទ័ពបានបោះបង់ចោលការគ្រប់គ្រងប្រទេសរបស់ខ្លួនអស់ពេលកន្លះសតវត្សរ៍មកហើយនៅឆ្នាំ២០១១នោះ។
ការបោះឆ្នោតកាលពីថ្ងៃអាទិត្យ ត្រូវបានចាត់ទុកថា មានលក្ខណៈសេរីបំផុតនៅក្នុងប្រទេសដែលស្ថិតនៅក្នុងតំបន់អាស៊ីអាគ្នេយ៍នេះ ដែលគ្រប់គ្រងដោយរដ្ឋាភិបាលពាក់កណ្ដាលស៊ីវិលអស់រយៈពេល៥ឆ្នាំកន្លងមកហើយ នៅក្នុងអន្តរកាលមួយ ដែលឆ្ពោះទៅរកលទ្ធិប្រជាធិបតេយ្យ។ ក្នុងចំណោមអ្នកមានឈ្មោះស្របច្បាប់ក្នុងការបោះឆ្នោតដល់ទៅ៣០លាននាក់ បានទៅបោះឆ្នោតជាលើកទីមួយ ក្នុងនោះមានទាំងលោកស្រី Aung San Suu Kyi ផងដែរ ដែលជាតួយ៉ាងនៃចលនាប្រជាធិបតេយ្យ។
ថ្វីបើមានដល់ទៅ៩១គណបក្សបានចូលរួមនៅក្នុងការបោះឆ្នោតក្ដី ក៏ទិសដៅនៃការប្រជែងគ្នា រវាងគណបក្ស NLD (National League for Democracy) របស់លោកស្រី Su Kyi និងគណបក្សកាន់អំណាច Ruling Union Solidarity Development Party ដែលកើតចេញពីអតីតរបបយោធានោះ លេចធ្លោជាងគេ។ រីឯបណ្ដាគណបក្សផ្សេងៗទៀតដែលប្រសូតចេញពីជនជាតិភាគតិចជាតំណាងឲ្យត្រឹមតែ៤០ភាគរយនៃពលរដ្ឋមីយ៉ាន់ម៉ា ដល់ទៅ៥២លាននាក់នោះ។
ការរាប់សន្លឹកឆ្នោត កំពុងតែត្រូវបានប្រព្រឹត្ដទៅនៅតាមស្ថានីយបោះឆ្នោតដល់ទៅរាប់សិបពាន់ស្ថានីយនៅទូទាំងប្រទេស ហើយលទ្ធផលវិញនឹងត្រូវបានបញ្ជូនបន្ដទៅតាមតំណាងគណបក្សឆ្ពោះទៅស្នាក់ការគណបក្សរៀងខ្លួន។ លទ្ធផលនឹងត្រូវបានបញ្ជូនទៅកាន់គណៈកម្មាធិការកណ្ដាលទទួលបន្ទុកការបោះឆ្នោតនៅថ្ងៃចន្ទនេះ៕
AP
បន្ទាប់ពីការបោះឆ្នោតជាប្រវត្ដិសាស្ដ្រ មនុស្សភាគច្រើននៅមីយ៉ាន់ម៉ា សង្ឃឹមថា លោកស្រី Suu Kyi ឈ្នះឆ្នោត
0 Comments