ភ្នំពេញ ៖ បុរសម្នាក់បានរងរបួសធ្ងន់ និងម្នាក់ទៀតរងរបួសស្រាល បន្ទាប់ពីផឹកស៊ី ស្រវឹងជិះម៉ូតូឌុបគ្នាជ្រុលទៅបុកជាមួយរទេះបុកល្ហុង តែពេលនោះអ្នករងរបួសស្រាល បានលើកម៉ូតូជិះចេញទៅដោយមិននៅមើលមិត្តភក្ដិនោះទេ ប៉ុន្តែពេលជិះចេញទៅបានប្រហែលពីរគីឡូម៉ែត្រស្រាប់តែដួលខ្លួនឯងបណ្ដាលឲ្យរងរបួសធ្ងន់បន្ថែមទៀត។
ហេតុការណ៍នេះកើតឡើងនៅវេលាម៉ោង២១យប់ថ្ងៃទី៩ ខែ វិច្ឆិកា ឆ្នាំ២០១៥នៅតាមបណ្ដោយផ្លូវជាតិលេខ៤មុខភូមិព្រៃបឹងសង្កាត់កន្ទោកខណ្ឌពោធិ៍សែនជ័យ។ ម៉ូតូរងគ្រោះម៉ាកស្កប់ពីពណ៌សពាក់ស្លាកលេខភ្នំពេញ1FB8954បើកបរពីលិចទៅកើត ដោយស្ថានភាពស្រវឹងបើកវ៉ាប៉ះរទេះបុកល្ហុងដួលខ្លួនឯង។
តាមប្រភពព័ត៌មានពីកន្លែងកើតហេតុ បាននិយាយថា មុនពេលកើតហេតុ គេឃើញបុរសពីរនាក់ជិះម៉ូតូស្កប់មួយគ្រឿងធ្វើដំណើរ ក្នុងទិសដៅពីលិចទៅកើតហើយបើកវ៉ាប៉ះរទេះបុកល្ហុងដួលសន្លប់ស្ដូកស្ដឹងដោយខ្លួនឯង ពេលនោះរម៉ូតូរទេះបុកល្ហុង ឃើញដូច្នេះក៏បើករត់បាត់រីឯអ្នកបើករបួសស្រាលនោះក៏លើកម៉ូតូ បើកបន្តទៅមុខបំណងគេចពីការទទួលខុសត្រូវបានជាង២គីឡូម៉ែត្រមកដល់មុខបុរីសែនមនោរម្យដួលម្តងទៀត បណ្ដាលឲ្យមានរបួសធ្ងន់បន្ថែមទៀត។
បើតាមសំដីជនរងគ្រោះ ដែលបើកម៉ូតូរត់នោះបាននិយាយថា គាត់ជិះមកជាមួយគ្នាដោយជិះម៉ូតូ២គ្រឿងថា ខ្លួនគាត់ជិះម៉ូតូតែម្នាក់ឯងទេ រីឯជនរងគ្រោះជិះគ្នា២នាក់ម៉ូតូផ្សេងពីគាត់ទេ តែអ្នកឃើញហេតុការណ៍បញ្ជាក់ថា គាត់ជិះម៉ូតូជាមួយជនរងគ្រោះច្បាស់ណាស់ដោយសារគាត់របួសស្រាលទើបមានឱកាសលើកម៉ូតូជិះគេចខ្លួន តែសំណាងអាក្រក់បានដួលដោយខ្លួនឯងទៅវិញ។
ក្រោយពេលកើតហេតុអ្នករបួសធ្ងន់មុននេះបន្តិច ត្រូវរថយន្តសាមុយឯកជនដឹកជនរងគ្រោះទៅពេទ្យកាល់ម៉ែត និងជនរងគ្រោះដែលរត់ចោលមិត្តភក្ដិ ដែលដួលខ្លួនឯងម្ដងទៀតនោះ ត្រូវរថយន្តសង្គ្រោះបានលាងរបួសឲ្យហើយ មិនបានឡើងរថយន្តទៅពេទ្យណាទេ ត្រូវបានក្រមគ្រួសារនាំយកទៅព្យាបាលនៅគ្លីនិកឯកជន ដើម្បីព្យាបាលរបួស។ រីឯម៉ូតូជនរងគ្រោះត្រូវបងប្អូនយកទៅរក្សាទុកខ្លួនឯង៕
ផឹកស្រវឹងជិះម៉ូតូឌុបគ្នាបុករទេះបុកល្ហុង របួសធ្ងន់ម្នាក់ស្រាលម្នាក់
0 Comments