ភក់ដ៏ច្រើនក្រាស់ក្រែលមកពីការផ្ទុះទំនប់នៅឯអណ្ដូងរ៉ែដែកប្រេស៊ីលបានបង្ខំឲ្យបណ្ដាទីក្រុងដែលមានប្រជាជនច្រើនដែលមានចម្ងាយជាង ៣០០ គីឡូម៉ែត្រ នៅផ្នែកខាងក្រោមត្រូវកាត់ផ្តាច់ការផឹកទឹកនៅថ្ងៃចន្ទដោយបានបង្កើនក្តីបារម្ភពីបញ្ហាសុខភាព និងបរិស្ថាន។
មនុស្សម្ភៃប្រាំនាក់នៅតែកំពុងបាត់ខ្លួនបន្ទាប់ពីគ្រោះមហន្តរាយទំនប់រ៉ែដ៏អាក្រក់បំផុតមួយក្នុងប្រវត្តិសាស្ត្ររបស់ប្រទេសប្រេស៊ីល។ ក្រុមមន្ត្រីបានបញ្ជាក់ថា មនុស្សពីរនាក់បានស្លាប់ចាប់តាំងពីសោកនាដកម្មកាលពីថ្ងៃព្រហស្បតិ៍ ហើយពួកគេកំពុងធ្វើការដើម្បីកំណត់អត្តសញ្ញាណសាកសពចំនួនពីរនាក់ទៀតដែលបានរកឃើញកាលពីថ្ងៃអាទិត្យ។
ជំនន់ភក់យ៉ាងខ្លាំងបានវាយប្រហារទីប្រជុំជននៅចម្ងាយប្រមាណ១០០គីឡូម៉ែត្របន្ទាប់ពីទំនប់រ៉ែបានបាក់ធ្លាយនៅអាងស្តុកចំនួនពីរដែលកំពុងផ្ទុកកាកសំណល់រ៉ែ។ បួនថ្ងៃក្រោយមក ភក់កខ្វក់នៅតែធ្វើដំណើរឆ្លងកាត់ច្រាំងទន្លេ Rio Doce ដែលមានប្រជាជនច្រើន។
អាជ្ញាធរសុខាភិបាលកំពុងពិនិត្យមើលការពុលនៃទឹក ហើយបានប្រាប់ប្រជាពលរដ្ឋឲ្យមានការប្រុងប្រយ័ត្នជាមួយនឹងភក់។ ជីវវិទូបានព្រមានថា ផលប៉ះពាល់បរិស្ថាននេះអាចជាអចិន្ត្រៃយ៍ដោយបំផ្លាញការនេសាទ និងកសិដ្ឋានក្នុងស្រុក៕
Reuters
ការផ្ទុះអណ្ដូងរ៉ែនៅប្រេស៊ីល បង្កគ្រោះថ្នាក់ដល់ការផ្គត់ផ្គង់ទឹក
0 Comments