ឥឡូវនេះ Lollipop របស់​ក្រុមហ៊ុន Google មាន​នៅ​លើ​ឧបករណ៍ Android ចំនួន​មួយ​ភាគ​បួន​ហើយ

វា​មាន​ភាព​ល្បីល្បាញ​មួយ​ពេល ប៉ុន្តែ​កំណែ​ប្រព័ន្ធ Lollipop នៃ​កម្មវិធី​ទូរស័ព្ទ Android របស់​ក្រុមហ៊ុន Google បាន​ឈាន​ទៅ​ដល់​ចំនួន​មួយ​ភាគ​បួន នៅ​លើ​ឧបករណ៍​ដំណើរការ​ដោយ​ប្រព័ន្ធ Android ទាំងអស់។

ភាគហ៊ុន​ពិតប្រាកដ​នៃ lollipop ឥឡូវនេះ បាន​ឈរ​ក្នុង​កម្រិត ២៥,៦ ភាគរយ​។ នេះ​បើ​យោង​តាម​តារាង​កំណែប្រែ​ថ្មី​របស់​អ្នក​អភិវឌ្ឍន៍​ប្រព័ន្ធ​ប្រតិបត្តិការ Android របស់ Google កាលពី​ថ្ងៃ​ពុធ​នេះ ដែល​នេះ​បាន​កើនឡើង​បន្តិច​តាំង​ពី​ដើម​ខែតុលា​មក​។ ចំនួន​នេះ​រួមបញ្ចូល​ទាំង​ឧបករណ៍​ទាំងអស់ ដែល​បាន​កត់ត្រា​ទុក​នៅ​ហាង​លក់​កម្មវិធី​របស់ Google ក្នុងអំឡុងពេល​ប្រាំពីរ​ថ្ងៃ ដែល​បានបញ្ចប់​កាលពី​ថ្ងៃទី​២ ខែវិច្ឆិកា។

lollipop បើក​ដំណើរ​បាន ២ ឆ្នាំ​ពេញលេញ។ ការ​អនុម័ត​ដោយមាន​ភាពយឺត​នេះ គឺជា​សញ្ញា​នៃ​ដំណើរការ​កំណែប្រែ​ថ្មី​លើ​ប្រព័ន្ធ​ប្រតិបត្តិការ Android ទាំង​ក្នុង​ស្មា​ត​ហ្វូ​ន និង​បណ្តាញ​ឥត​ខ្សែ ដែល​ត្រូវ​បាន​សាកល្បង​កំណែប្រែ​ថ្មី​ពី​ក្រុមហ៊ុន Google សម្រាប់​ឧបករណ៍​នីមួយៗ មុន​ពេល​ដែល​ការបង្កើត​មួយ​អាច​ចាប់​ផ្ដើម​បាន។

ផ្ទុយទៅវិញ ការ​ធ្វើ​ឲ្យ​ទាន់សម័យ​ទៅលើ​កម្មវិធី​ប្រព័ន្ធ​ប្រតិបត្តិការ iOS នៅ​លើ iPhone របស់​ក្រុមហ៊ុន Apple គ្រាន់​តែ​មាន​ភាព​ពាក់ព័ន្ធ​នឹង​បច្ចេកវិទ្យា​គ្រប់គ្រង​ដំណើរការ​ទាំងមូល នៃ​ការបង្កើត និង​ការ​ធ្វើ​តេស្ត​កំណែ​ថ្មី ហើយ​បន្ទាប់មក​បញ្ចេញ​វា​ទៅកាន់​អ្នកប្រើប្រាស់​ទាំងអស់ នៅពេល​ដូចគ្នានេះ។

កំណែ​ចុងក្រោយ​បំផុត​នៃ ប្រព័ន្ធ​ប្រតិបត្តិការ iOS 9 បាន​បើក​ដំណើរការ នៅ​ខែកញ្ញា ឆ្នាំនេះ។ វា​បាន​មកដល់​រួច​ទៅ​ហើយ នៅ​លើ ៦៦ ភាគរយ​នៃ​ទូរស័ព្ទ iPhone ឧបករណ៍ iPad និង iPod Touch ទាំងអស់។

សម្រាប់​ខែ​នេះ គឺជា​រូបរាង​ដំបូង​នៃ​ប្រព័ន្ធ​ប្រតិបត្តិការ Android 6.0 Marshmallow នៅក្នុង​ការអភិវឌ្ឍន៍​ចាប់ផ្តើម ផលិត​ដោយមាន​ចំណែក​ទីផ្សារ ០.៣ ភាគរយ​។ ដោយ​បាន​បើក​ដំណើរការ​នៅ​ថ្ងៃទី ៥ ខែតុលា  Marshmallow ពិតជា​ត្រូវ​បាន​បញ្ចេញ​ទៅកាន់​ឧបករណ៍ ដែល​មាន​ល្បឿន​លឿន​ជាង Lollipop ដោយ​មិន​ប៉ះពាល់​ដល់​ផ្ទៃ​តា​ប្លូ រហូតដល់​ខែកុម្ភៈ ឆ្នាំ​២០១៥​។ នេះ​បើ​យោង​តាម​គេហទំព័រ​ប្រព័ន្ធ​ប្រតិបត្តិការ Android Police។

marshmallow ត្រូវ​បាន​ភ្ជាប់​មក និង​ដំឡើង​ជាស្រេច​នៅលើ Nexus 5x ថ្មី​របស់ Google និង Nexus 6P​។ នៅពេល​ចាប់ផ្តើម​នៃ​ខែតុលា​នេះ ក្រុមហ៊ុន Google បាន​ចាប់​ផ្តើម​ជំរុញ​ឲ្យ Marshmallow មាន​នៅ​លើ​ឧបករណ៍ ដែល​មាន​ស្រាប់​ជាច្រើន​រួម​ទាំង Nexus 5 និង Nexus 6, Nexus 7 របស់ Google (​ចេញ​នៅ​ឆ្នាំ ២០១៣) Nexus 9 និង Nexus Player​។ ក្រោយ​មក​ទៀត នៅក្នុង​ខែតុលា ក្រុមហ៊ុន​ផលិត​ទូរស័ព្ទ​ចល័ត​របស់​ប្រទេស​កូរ៉េ LG បាន​បញ្ចេញ​កំណែប្រែ​ថ្មី​នៃ Marshmallow សម្រាប់ G4 ដែល​ជា​ស្មា​ត​ហ្វូ​ន​របស់​ខ្លួន​នៅក្នុង​ប្រទេស​ប៉ូឡូញ។

Android 4.4 KitKat នៅតែ​ជា​កំណែ ដែល​មាន​អ្នក​ប្រើ​ច្រើន​បំផុត ជាមួយ​តួលេខ ៣៨ ភាគរយ​នៃ​ទីផ្សារ ហើយ​នៅ​ពីក្រោយ​នេះ​គឺ​ប្រព័ន្ធ​ប្រតិបត្តិការ Jelly Bean ដោយមាន​ចំណែក ២៩ ភាគរយ​។  KitKat ត្រូវ​បាន​ចេញផ្សាយ​នៅក្នុង​ខែវិច្ឆិកា​ឆ្នាំ ២០១៣ ខណៈ​ពេល​ដែល Jelly Bean បាន​បង្ហាញ​នៅក្នុង ខែមិថុនា ឆ្នាំ ២០១២។

ក្រុមហ៊ុន Google និង​ក្រុមហ៊ុន LG មិនបាន​ឆ្លើយតប​ទៅ​នឹង​សំណើ​សុំ​អត្ថាធិប្បាយ​របស់ CNET​នោះ​ទេ៕

ឥឡូវនេះ Lollipop របស់​ក្រុមហ៊ុន Google មាន​នៅ​លើ​ឧបករណ៍ Android ចំនួន​មួយ​ភាគ​បួន​ហើយ