លី​គ​ហ្វូ​ត​សាល ​៖ ​កីឡាករ​ហុង បញ្ញា​វ​ឌ្ឍ របស់​ក្រុម​ស​.​ស​.​យ​.​ក កំចាយមារ​ រកបាន​គ្រាប់​បាល់​ច្រើនជាងគេ​ប្រចាំ​សប្ដាហ៍​ទី​១៥

កីឡាករ ហុង បញ្ញា​វ​ឌ្ឍ សមាជិក​របស់​ក្រុម​ជើងឯក​ឆ្នាំ​ចាស់ ស​.​ស​.​យ​.​ក កំចាយមារ បាន​នាំមុខ​ក្នុង​បញ្ជី​អ្នក​ទាត់​​បញ្ចូល​ទី​បាន​ច្រើន​ជាង​គេ​ប្រចាំ​សប្ដាហ៍​ទី​១៥ នៃ​ពានរង្វាន់​លី​គ​បាល់ទាត់​ក្នុង​សាលា​ឆ្នាំ​២០១៨ (National Futsal League 2018) ក្រោម​ការ​រៀបចំឡើង​ដោយ​សហព័ន្ធ​កីឡាបាល់ទាត់​កម្ពុជា កាលពី​ចុង​សប្ដាហ៍​ថ្មីៗ​នេះ​។​

​បើ​រាប់​អ្នករក​គ្រាប់​បាល់​បាន​ច្រើនជាងគេ​ប្រចាំ​សប្ដាហ៍​កីឡាករ ហុង សុ​បញ្ញា​វ​ឌ្ឍ របស់​ក្រុម​ស​.​ស​.​យ​.​ក កំចាយមារ រកបាន​គ្រាប់​បាល់​៦​គ្រាប់​ម្នាក់ឯង តាម​ពីក្រោយ​ដោយ​កីឡាករ ណន គឹម​ហួត របស់​ក្រុម Panda FC រកបាន​៤​គ្រាប់ ក្រៅពីនោះ​មាន​កីឡាករ​៥ នាក់​ផ្សេងទៀត​រកបាន​គ្រាប់​បាល់​ម្នាក់​៣​គ្រាប់​តាម​ពីក្រោយ ក្នុង​នោះ​មាន​កីឡាករ ឈឿន ផានី របស់​ក្រុម Down Town Sport FC កីឡាករ ញឹក ថា​លីដា របស់​ក្រុម​ឱ​ម៉ា​ល់ កីឡាករ នូវ រ៉ូ​ហ្សេ​ត របស់​ក្រុម Home Sport កីឡាករ តុង ច័ន្ទ​មុន្នី របស់​ក្រុម Home Sport និង​កីឡាករ យៀប បញ្ញា របស់​ក្រុម​ស​.​ស​.​យ​.​ក កំចាយមារ​។

​សម្រាប់​ប្រកួត​សប្តាហ៍​ទី​១៦ នៃ​ពានរង្វាន់​លី​គ​បាល់ទាត់​ក្នុង​សាល​នឹង​បន្តធ្វើ​ឡើង​នៅ​ចុង​សប្ដាហ៍​នេះ​ដោយនៅ​ថ្ងៃ​សៅរ៍ ទី​៣០ ខែមិថុនា ឆ្នាំ​២០១៨ ក្រុមយុវជន​៧​មករា ប៉ះ​ក្រុម B.A United នៅវេលា​ម៉ោង​២:៣០​នាទី​ល្ងាច ខណៈ​នៅ​ម៉ោង​៤​ល្ងាច​ក្រុម​អាណាចក្រ​បៃតង ជួប​ក្រុម Down Town Sport និង​នៅ​វេលា​ម៉ោង​៥:៣០​នាទី​ល្ងាច​ក្រុម​ស​.​ស​.​យ​.​ក កំចាយមារ ជួប​ក្រុម​ឆន្ទៈ​កីឡា​។ នៅ​ថ្ងៃអាទិត្យ ទី​១ ខែកក្កដា ឆ្នាំ​២០១៨ ក្រុម Panda FC ប៉ះ​ក្រុម​ឱ​ម៉ា​ល់ នៅវេលា​ម៉ោង​៤​ល្ងាច​និង​នៅវេលា​ម៉ោង​៥:៣០​នាទី​ល្ងាច​ក្រុម Home Sport FC ប៉ះ​ក្រុម Fan Sport FT

​ងាក​មក​មើល​ចំណាត់ថ្នាក់​បណ្តោះអាសន្ន​ក្រោយ​ប្រកួត​បាន​១៥​លើក​ម្នាក់​មក​ឃើញថា​ក្រុម Down Town Sport FC​ឈរ​លេខ​១ មាន​៣៦​ពិន្ទុ តាម​ពីក្រោយ​ដោយ​ក្រុម Home Sport FC ឈរ​លេខ​២ មាន​៣៣​ពិន្ទុ ក្រុម ស​.​ស​.​យ​.​ក កំចាយមារ ឈរ​លេខ​៣ មាន​៣០​ពិន្ទុ ស្មើគ្នា​នឹង​ក្រុម​លេខ​៤ ឱ​ម៉ា​ល់ តែ​ខុស​គ្រាប់​បាល់​ចំណេញ​។ ក្រុម​លេខ​៥ អាណាចក្រ​បៃតង មាន​២១​ពិន្ទុ ហើយ​ក្រុម​លេខ​៦ Fan Sport FT មាន​២១​ពិន្ទុ ដូចគ្នា​។ លេខ​៧ ក្រុម Panda FC មាន​១៤​ពិន្ទុ ហើយ​ក្រុម​ឆន្ទៈ​កីឡាករ ឈរ​លេខ​៨ មាន​១៤​ពិន្ទុ​ដូចគ្នា ហើយ​ក្រុមយុវជន​៧​មករា ឈរ​លេខ​៩ មាន​១១​ពិន្ទុ និង​ក្រុម​B.A United លេខ​១០ មាន​៤​ពិន្ទុ​។​

​ការប្រកួត​លី​គ​ហ្វូ​ត​សាល​ជា​លើកដំបូង​នៅក្នុង​ស្រុក​នេះ​ធ្វើឡើង​ពីថ្ងៃ​ទី​០៣ ខែ មិនា រហូតដល់​ថ្ងៃទី​២៨ ខែ កក្កដា ឆ្នាំ ២០១៨ ខណៈ​ភាកច្រើន​ប្រកួត​នៅ​ថ្ងៃ​ចុង​សប្ដាហ៍ ដែលមាន​ក្រុម​ជា​សមាជិក​ចំនួន​១០​ក្រុម​លើ​ទីលាន ដឹ​ប្លូ​ស្ព័ត (The Blue Sport) ម្តុំ​ទួលគោក​។ ការប្រកួត​មាន​រូបមន្ត​ជា​លក្ខណៈ​ប្រកួត​បែប​លី​គ តាម​ប្រព័ន្ធ​លី​គ​២​ជុំ (​វិលជុំ​សន្សំ​ពិន្ទុ​) ហើយ​ក្រុម​ដែលមាន​ពិន្ទុ​ច្រើនជាងគេ​ចំនួន​៤​ក្រុម (Top4) ត្រូវ​ឡើងទៅ​ប្រកួត​គ្នា​ដណ្តើម​ជើងឯក​ប្រចាំ​រដូវ​កាល​។ ក្រុម​ជើងឯក​នឹង​ទទួលបាន​ពានរង្វាន់​១ មេដាយមាស​ម្នាក់​១​និង​ប្រាក់រង្វាន់​២០​លាន​រៀល​ផងដែរ​៕​

​

Source: Kampuchea Thmey Daily