កាលពីថ្ងៃពុធ ប្រទេសអាល់ហ្សេរីបានបិទអ៊ីនធឺណិតសម្រាប់ការចាប់ផ្តើមប្រឡងបាក់ឌុបដែលនេះជាលើកដំបូងហើយនៅក្នុងការផ្តាច់អ៊ីនធឺណិតដើម្បីបញ្ឈប់សិស្សពីការលួចមើលឯកសារ។
អ្នកកាសែត AFP នៅប្រទេសអាល់ហ្សេរីបាននិយាយថា ខ្សែទូរស័ព្ទចល័តនិងអ៊ីនធឺណិតត្រូវបានកាត់ផ្តាច់នៅទូទាំងប្រទេសសរុបរយៈពេលពីរម៉ោងដើម្បីធ្វើឲ្យស្របគ្នាជាមួយនឹងការចាប់ផ្តើមនៃការធ្វើតេស្តពីរដាច់ដោយឡែកពីគ្នា។
ការបិទអ៊ីនធឺណិតរយៈពេលបីម៉ោងត្រូវបានគ្រោងទុកនៅល្ងាចថ្ងៃពុធ។ នេះបើយោងតាមកាលវិភាគដែលចេញផ្សាយដោយក្រុមហ៊ុនសាធារណៈ Algerie Telecom ។
Algerie Telecom បាននិយាយថា សេវាអ៊ីនធឺណិតត្រូវបានកាត់ផ្តាច់ដោយអនុលោមតាមការណែនាំពីរដ្ឋាភិបាលដែលមានបំណងធានាថា ការប្រឡងបាក់ឌុបដំណើរការយ៉ាងរលូន។
ការកាត់ផ្តាច់មុនការគ្រោងទុកគឺគ្រោងនឹងបន្តក្នុងកំឡុងពេលនៃការប្រឡងទាំងមូលរហូតដល់ថ្ងៃចន្ទដើម្បីប្រយុទ្ធប្រឆាំងនឹងការលួចមើលឯកសារក្នុងចំណោមសិស្សជាង៧សែននាក់។
លោក Ali Kahlane ប្រធានសមាគមទូរគមនាគមន៍ AOTA បានថ្លែងថា ប្រតិបត្តិករទាំងអស់ត្រូវបានតម្រូវឲ្យអនុវត្តតាមការទាមទាររបស់រដ្ឋាភិបាល។
រដូវកាលប្រឡងឆ្នាំ២០១៦ត្រូវបានញាំញីដោយការបន្លំយ៉ាងទូលំទូលាយនៅពេលដែលសំនួរប្រឡងត្រូវបានចេញផ្សាយនៅលើបណ្តាញសង្គមមុនឬនៅពេលចាប់ផ្តើមការប្រលង។
កាលពីឆ្នាំមុន អាជ្ញាធរបានស្នើសុំឲ្យក្រុមហ៊ុនទូរគមនាគមន៍នានាបិទប្រព័ន្ធផ្សព្វផ្សាយសង្គមប៉ុន្តែទង្វើនេះមិនបានបញ្ចប់បញ្ហាទាំងស្រុងនោះទេ។
អ្នកមកយឺតត្រូវបានហាមឃាត់ពីការប្រឡងហើយជំនួសមកវិញត្រូវចូលរួមក្នុងការប្រឡងដែលមានការរៀបចំយ៉ាងពិសេស។
គ្រឿងអេឡិចត្រូនិចដែលមានអ៊ីនធឺណិតដូចជាទូរស័ព្ទចល័តនិងថេប្លេតគឺត្រូវបានហាមឃាត់នៅឆ្នាំនេះពីមណ្ឌលប្រឡងជាង២,០០០មណ្ឌលក្នុងប្រទេសអាល់ហ្សេរី៕ AFP
Source: Kampuchea Thmey Daily
0 Comments