ភ្នំពេញ ៖ កំពូលតារាភាពយន្តថៃអ្នកនាងវីគីសុនីសាជេត បានបង្ហាញពីរបៀបថែទាំសម្ផស្សរបស់ខ្លួនដើម្បីធ្វើយ៉ាងណាឲ្យសម្រស់មានភាពស្រស់ស្អាតដូចធម្មជាតិ។
ថ្លែងនៅក្នុងសន្និសីទកាសែតស្តីពីការបង្ហាញផលិតផលLIV White Diamondនៅសណ្ឋាគារសូលហ្វីតែលភ្នំពេញ អ្នកនាងវីគីសុនីសាជេត បានមានប្រសាសន៍ថា ដើម្បីរក្សាសម្រស់ឲ្យបានស្រស់ស្អាតដូចធម្មជាតិនោះស្ត្រីទាំងអស់ត្រូវអនុវត្តវីធីមួយចំនួនដូចជាគឺត្រូវផឹកទឹកឲ្យបានច្រើន សម្រាកឲ្យបានច្រើន ឧស្សាហ៍ហាត់ប្រាណ និង ប្រើប្រាស់ផលិតផលណាដែលមានគុណភាព។
អ្នកនាងវីគីសុនីសាជេត បានបន្តថា បច្ចុប្បន្ននេះអ្នកបានប្រើផលិតផលLIV White Diamondជាប្រចាំក្នុងការថែរក្សាសម្រស់របស់ខ្លួនដែលផលិតផលនេះ មានដូចជាម្សៅផាត់មុខ ក្រែមការពារពន្លឺថ្ងៃ ម៉ាសបិទមុខដែលជួយឲ្យស្បែកមុខតឹងរលោង។
អ្នកនាងបានបន្ថែមទៀតថា ដោយមើលឃើញពីការប្រើប្រាស់គ្រឿងសំអាងមានតម្រូវការខ្ពស់នៅប្រទេសកម្ពុជានោះ ទើបអ្នកនាងបានសហការជាមួយក្រុមហ៊ុនLVLs Media co,Ltdដែលមានលោក លីម ឡោក ចន សុនជាអគ្គនាយកនាំចូលផលិតផលLIV White Diamondមកក្នុងប្រទេសកម្ពុជាដើម្បីចូលរួមចំណែកលើកកម្ពស់វិស័យគ្រឿងសំអាងនៅកម្ពុជាឲ្យកាន់តែប្រសើរឡើង។
អ្នកនាងបានបន្តទៀតថា ផលិតផលLIV White Diamondនេះជាផលិតផលមួយដែលផលិតនៅប្រទេសថៃដោយនាំយកវត្ថុធាតុដើមមកពីសហរដ្ឋអាមេរិកនិងជប៉ុនសម្រាប់អ្នកប្រើប្រាស់ដែលមានអាយុចាប់ពីអាយុចាប់ពី២២ដល់៤៥ឆ្នាំកាន់តែមានសម្រស់ស្រស់ស្អាតដូចធម្មជាតិ។
អ្នកនាងវីគីសុនីសាជេត បានបញ្ជាក់ទៀតថា ប៉ុន្តែបច្ចុប្បន្ននេះ អ្នកប្រើប្រាស់ដែលមានអាយុពី១៨ដល់៣៥មានការពេញនិយមខ្លាំងចំពោះផលិតផលនេះ។
លោកលីម ឡោក ចន សុនជាអគ្គនាយកក្រុមហ៊ុនLVLs Media co,Ltdបានមានប្រសាសន៍ថាការសម្រេចចិត្តនាំយកផលិតផលLIV White Diamondមកពីប្រទេសថៃនេះ ដោយសារតែមើលឃើញថា ផលិតផលនេះគឺជាផលិតផលមួយដែលមានការគាំទ្រខ្លាំងនៅប្រទេសថៃពិសេសតារាល្បីៗនៅប្រទេសថៃដូចជាអ្នកនាងវីគីសុនីសាជេតក៏ប្រើប្រាស់ផលិតផលនេះដែរ។
លោកលីម ឡោក ចន សុនសង្ឃឹមថា ផលិតផលនេះនឹងទទួលបានការគាំទ្រពីអ្នកប្រើប្រាស់ពិសេសមិត្តយុវវ័យ៕
Source: Kampuchea Thmey Daily
0 Comments