ភ្នំពេញ ៖ ជនសង្ស័យម្នាក់ ត្រូវបានប្រជាពលរដ្ឋជិតខាងចាប់ខ្លួនភ្លាមៗ ក្រោយពីធ្វើសកម្មភាពលួចម៉ូតូគេមិនបានសម្រេចព្រោះម្ចាស់គេឃើញបង្កជាការភ្ញាក់ផ្អើលនៅថ្ងៃអាទិត្យ ទី២៩ ខែកក្កដា ឆ្នាំ២០១៨ វេលាម៉ោង១២និង៣០នាទី នៅចំណុចដីឡូតិ៍លេខ២៤ ផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ។
សមត្ថកិច្ចមូលដ្ឋានបានឲ្យដឹងថា ជនសង្ស័យរូបនោះឈ្មោះ ឡាញ សុភក្ដី ភេទប្រុស អាយុ២៥ឆ្នាំ ជនជាតិខ្មែរ មុខរបរ និងទីលំនៅ មិនពិតប្រាកដ (ឃាត់ខ្លួន)។ ចំណែកវត្ថុតាងចាប់យកម៉ូតូមួយគ្រឿងម៉ាក nex ពណ៌ស ពាក់ស្លាកលេខ ភ្នំពេញ 1GH-1974 លេខតួ៣២៥៥៨៣ និងលេខម៉ាស៊ីន៣២៥៧០៣។ ជនរងគ្រោះឈ្មោះ គ្រី សុខជិន ភេទប្រុស អាយុ២៤ឆ្នាំ ជនជាតិខ្មែរ ទីលំនៅផ្ទះលេខ៦៥១អឺ ផ្លូវបេតុង ភូមិត្រពាំងសាលា សង្កាត់ពងទឹក ខណ្ឌដង្កោ រាជធានីភ្នំពេញ។
ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូរបស់ខ្លួនមកឈប់នៅចំណុចមុខផ្ទះកើតហេតុ ដោយមិនបានដកកូនសោម៉ូតូចេញនោះទេ គាប់ជួនខណៈនោះជនសង្ស័យមកដល់ឃើញឱកាសល្អ ក៏លួចយកជិះចេញបានបន្តិច ជនរងគ្រោះឃើញទាន់ស្រែកឆោឡោ ក៏ត្រូវបានអ្នកជិតខាងចាប់ក្របួចភ្លាមៗ ប្រគល់ជូនសមត្ថកិច្ចមូលដ្ឋានដើម្បីចាត់ការតាមនីតិវិធីផងដែរ៕
Source: Kampuchea Thmey Daily
0 Comments