ភ្នំពេញ ៖ នៅវេលាម៉ោង១០ និង៣០នាទីព្រឹក ថ្ងៃទី៣០ ខែកក្កដា ឆ្នាំ២០១៨នេះ ក្រុមអ្នកសង្កេតការណ៍ជាតិ បានចូលរួមសន្និសីទសារព័ត៌មានមួយ ដែលរៀបចំដោយ វេទិកាសម្ព័ន្ធសង្គមស៊ីវិល (វ.ស.ស) ដើម្បីវាយតម្លៃពីដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៦ ដែលបានប្រព្រឹត្តទៅកាលពីថ្ងៃទី២៩ ខែកក្កដា ឆ្នាំ២០១៨។
សូមបញ្ជាក់ថា ជារួមនៅក្នុង សន្និសីទសារព័ត៌មាននេះ តំណាងអង្គការ សមាគម ដែលបានចូលរួមសង្កេតការណ៍នៅក្នុងការបោះឆ្នោតនេះ សុទ្ធតែបានអះអាងថា ដំណើរការបោះឆ្នោតនេះ បានប្រព្រឹត្តទៅដោយសេរី ត្រឹមត្រូវ យុត្តិធម៌ និងតម្លាភាព ហើយការបោះឆ្នោតនេះបានចាប់ផ្តើម និងបិទ តាមកម្មវិធី ដែលបានគ្រោងទុក។
តាមការវាយតម្លៃ បើទោះបីជា បញ្ហាខ្លះ តែមិនប៉ះពាល់ដល់ការបោះឆ្នោតនោះទេ។ ជាមួយគ្នានោះ ក៏បានអំពាវនាវឲ្យចូលរួមជាមួយរដ្ឋាភិបាលថ្មី ដែលនឹងកើតឡើងក្រោយការបោះឆ្នោតនេះ៕
Source: Kampuchea Thmey Daily
0 Comments