កំពង់ស្ពឺ ៖ បុរសភេទទី៣ម្នាក់ បានធ្វើសកម្មភាពគាស់សោផ្ទះប្រជាពលរដ្ឋ ប៉ុនប៉ងលួចទ្រព្យសម្បត្តិ ប៉ុន្តែប៉ះចំផ្ទះមានកណ្ដឹងរោទ៍ ម្ចាស់ទាន់បើកទ្វារ ចាប់ខ្លួនប្រគល់ឲ្យសមត្ថកិច្ចដើម្បីចាត់ការតាមច្បាប់។
ហេតុការណ៍នេះ កើតឡើងនៅវេលាម៉ោង៩និង៥៨នាទីយប់ ថ្ងៃទី២៩ ខែកក្កដា ឆ្នាំ២០១៨នេះ នៅចំណុច ភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ។
មន្ត្រីកងរាជអាវុធហត្ថខេត្តកំពង់ស្ពឺ បានឲ្យដឹងថា ជនសង្ស័យមានឈ្មោះ វ៉ាន់ ពុទ្ធី ភេទប្រុស (ក្លែងភេទទី៣) អាយុ ២៥ឆ្នាំ មុខរបរ មិនពិតប្រាកដ មានទីលំនៅភូមិ-ឃុំ កើតហេតុខាងលើ បានចូលគាស់ផ្ទះលក់ទូរស័ព្ទរបស់ជនរងគ្រោះឈ្មោះ លឹម សារី ភេទស្រី អាយុ ៣២ឆ្នាំ មុខរបរលក់ទូរស័ព្ទ មានទីលំនៅភូមិ-ឃុំកើតហេតុខាងលើ។ ប្រភពបន្តទៀតថា ខណៈពេលជនសង្ស័យកំពុងធ្វើសកម្មភាពប៉ះចំកណ្តឹងរោទ៍ម្ចាស់ផ្ទះមកប្តឹងសមត្ថកិច្ចកងរាជអាវុធហត្ថមូលដ្ឋានស្រុកសំរោងទង បានឃាត់ខ្លួនបានភ្លាមៗនៅកន្លែងកើតហេតុ។
បច្ចុប្បន្នសមត្ថកិច្ច បានរៀបចំកសាងសំណុំរឿងដើម្បីចាត់ការតាមផ្លូវច្បាប់៕
Source: Kampuchea Thmey Daily
0 Comments