ភ្នំពេញ ៖ សិស្សានុសិស្សកម្ពុជាទទួលបានមេដាយមាសចំនួន១៦ មេដាយប្រាក់ចំនួន១៨ និងមេដាយសំរិទ្ធចំនួន ៦គ្រឿង ពីការចូលរួមប្រកួតក្នុងកម្មវិធី “ទិវាប្រវត្តិសាស្ត្រធម្មជាតិសាកល២០១៨” ដែលប្រព្រឹត្តទៅពីថ្ងៃពី១៩-២៧ កក្កដា ឆ្នាំ២០១៨ នៅទីក្រុង Wuhan ប្រទេសចិន។
ការប្រកួតនេះផ្តោតជាសំខាន់ទៅលើការធ្វើគម្រោងស្រាវជ្រាវផ្នែកវិទ្យាសាស្ត្រនិងប្រវត្តិសាស្ត្រធម្មជាតិ ការតាំងបង្ហាញស្នាដៃ វិទ្យាសាស្ត្រ និងការធ្វើបទបង្ហាញជា ភាសាអង់គ្លេស។
លោកបណ្ឌិតនិត្យប៊ុនឡៃអគ្គនាយករងនៃអគ្គនាយកដ្ឋានឧត្តមសិក្សានៃក្រសួងអប់រំយុវជននិងកីឡានិងជាប្រធានក្រុមការងារនៃគណៈកម្មការទិវាប្រវត្តិសាស្ត្រធម្មជាតិសាកលប្រចាំកម្ពុជា បានឲ្យដឹងថា ការទៅ ចូលរួម ប្រកួតក្នុងកម្មវិធីទិវាប្រវត្តិសាស្ត្រធម្មជាតិសាកលរបស់សិស្សានុសិស្សកម្ពុជាដណ្តើមបាន មេដាយមាសចំនួន១៦ មេដាយប្រាក់ចំនួន១៨ និងមេដាយសំរិទ្ធចំនួន ៦គ្រឿង។
លោកបានជម្រាបជូនអំពីកត្តាដែលនាំឲ្យសិស្សកម្ពុជា សម្រេចបានជោគជ័យ ពីការដណ្តើមបានមេដាយ ទាំង នេះ ដោយសារយើងបានត្រៀមលក្ខណៈរយៈពេលយូរជាមួយនឹងការរៀបចំផែនការជំនួយបច្ចេកទេស ការបង្ហាត់បង្ហាញអំពីការស្រាវជ្រាវដែលបានប្រុងប្រៀបលក្ខណៈសម្បត្តិជាស្រេចទុកជាមុន។
ចំពោះលទ្ធផលល្អ ឆ្នាំនេះ យើង បានត្រៀមរៀបចំបានល្អ។ ៣ឆ្នាំមុនយើងមានពេលវេលាខ្លីពេក ក្នុង៣ឆ្នាំសរុបទៅយើងទទួលបាន តែ៥ទេមេដាយមាស..........គេកំណត់តាំងពីថ្នាក់ ទី២រហូតដល់ថ្នាក់ទី១២ ប៉ុន្តែអ្នកដែលចូលរួម ប្រកួត មានពីថ្នាក់ទី១ រហូតដល់ទី១១)។
ប្រតិភូសិស្សានុសិស្សកម្ពុជាចំនួន៤០នាក់ កាលពីសប្តាហ៍មុន បានទៅចូលរួម ប្រកួតក្នុងកម្មវិធី “ទិវា ប្រវត្តិសាស្ត្រធម្មជាតិ សាកល ដែលធ្វើឡើងនៅទីក្រុងWuhan ប្រទេសចិន ចាប់ពីថ្ងៃទី២១ ដល់ ថ្ងៃទី២៤ ខែកក្កដា កន្លងទៅ ដោយ កម្ពុជា ដណ្តើមបាន មេដាយមាស មេដាយ ប្រាក់ និង មេដាយសំរិទ្ធ សរុបចំនួន៤០គ្រឿង។
ក្នុងឱកាសវិលត្រឡប់មកដល់មាតុប្រទេសវិញ កាលពីចុងសប្ដាហ៍មុននេះនៅអាកាសយានដ្ឋានអន្តរជាតិ ភ្នំពេញ សិស្សានុសិស្សជ័យលាភីកម្ពុជា សុទ្ធតែបានបង្ហាញពីក្តី សប្បាយរីករាយជាខ្លាំង ដែល ខ្លួនបានចូលរួមប្រកួតប្រជែង ក្នុងកម្មវិធីលំដាប់ថ្នាក់អន្តរជាតិហើយ សម្រេច បានលទ្ធផលយ៉ាងធំធេងបែបនេះ ដែលមិននឹកស្មានដល់នោះ។
សូមបញ្ជាក់ថា កម្មវិធីប្រកួតប្រជែង «ទិវាប្រវត្តិសាស្ត្រធម្មជាតិសាកលនេះ គឺជាកម្មវិធីអប់រំមួយ ដែលបង្កើតឡើង ដើម្បីជំរុញការ សិក្សាពីវិទ្យាសាស្ត្រធម្មជាតិ និងប្រវត្តិសាស្ត្រ សម្រាប់សិស្សានុសិស្សថ្នាក់បឋម និងមធ្យមសិក្សា។
កម្មវិធីទិវាប្រវត្តិ សាស្ត្រធម្មជាតិសាកលឆ្នាំ២០១៨នេះជាលើកទី៤របស់កម្ពុជាដែលក្រសួងអប់រំយុវជននិងកីឡាបានជ្រើស រើសសិស្សចាប់ពីថ្នាក់ទី២រហូតដល់ថ្នាក់ទី១២ឲ្យទៅចូលរួមប្រកួតប្រជែងដែលធ្វើឡើងក្នុងក្របខណ្ឌអន្តរជាតិ៕
Source: Kampuchea Thmey Daily
0 Comments