យោងតាមការអះអាងឲ្យដឹងពីក្លិបនៅទីក្រុងឡុងដ៍មួយនេះ កាលពីថ្ងៃចន្ទខ្សែបម្រើ HenrikhMkhitaryanរបស់ក្លិបកាំភ្លើងធំ Arsenalនឹងអវត្តមានពីការប្រកួតរយៈពេល៦សប្តាហ៍ដោយសារបញ្ហារបួសបាក់ឆ្អឹងប្រអប់ជើង។
កីឡាករវ័យ២៩ឆ្នាំម្នាក់នេះ ត្រូវបានលេងជំនួសដោយកីឡាករបម្រុងនៅពេលបញ្ចប់តង់ទី១អំឡុងបរាជ័យ០-២របស់ក្រុម Arsenalជាមួយក្រុម Spursនៅការប្រកួតវគ្គ១ភាគ៤ផ្តាច់ព្រ័ត្រ League Cup កាលពីសប្តាហ៍មុនហើយគាត់បានអវត្តមានពីការប្រកួត Premier Leagueឈ្នះក្រុម Burnleyផងដែរ។
នៅមុនការប្រកួតនៅថ្ងៃ Boxing Day(ថ្ងៃទី២៦ ខែធ្នូ) ជាមួយក្រុមម្ចាស់ផ្ទះ Brighton and Hove Albion ក្រុម Arsenalបានប្រកាសឲ្យដឹងថា កីឡាករMkhitaryanបានបាក់ឆ្អឹងប្រអប់ជើងស្តាំរបស់គាត់ហើយនិងត្រូវអវត្តមានពីការប្រកួតរបស់ក្រុមជម្រើសដំបូងរហូតដល់ខែកុម្ភៈខាងមុខ។
កីឡាករស្ថិតនៅក្នុងក្រុមជម្រើសជាតិអាមេនីម្នាក់នេះតែងតែលេងទៀងទាត់ក្រោមការដឹកនាំរបស់លោក Unai Emery ក្នុងរដូវកាលនេះជាកន្លែងដែលគាត់លេងបាន២០ប្រកួតនៅការប្រកួតទាំងអស់។
គាត់នឹងចូលរួមនៅក្នុងតារាងឈ្មោះកីឡាកររបួសរបស់ក្លិប Arsenal ដែលរួមមានទាំងកីឡាករ Danny WelbeckនិងកីឡាករRob Holding ផង ដែរ៕
Source: Kampuchea Thmey Daily
0 Comments