អ្នកចាត់ការJuergenKloppបាននិយាយថា ក្លិប Liverpoolនឹងស្វាគមន៍ការមកដល់របស់កីឡាករជើងថ្មីនៅក្នុងទីផ្សារកីឡាករនាខែមករាខាងមុខនេះ បើសិនជាពួកគេត្រូវការពង្រឹងស្ថានការដណ្តើមជើងឯក Premier Leagueរបស់ពួកគេហើយនោះ។
ក្រុមរបស់លោកKloppបានទទួលរងគ្រោះថ្នាក់ជាច្រើនអំឡុងរយៈពេលជាច្រើនសប្តាហ៍កន្លងមកនេះ ដោយខ្សែការពារ Joel Matipនិងខ្សែការពារJoe Gomez ត្រូវបានលប់ឈ្មោះចេញពីការប្រកួតរហូតដល់ពាក់កណ្តាលខែមករា ដោយសារបញ្ហារបួស។
ខណៈដែលខ្សែការពារTrent Alexander-Arnold និងខ្សែបម្រើNaby Keita អាចនឹងវិលត្រឡប់មកកាន់ការប្រកួតវិញ ពេលប៉ះជាមួយក្រុម Newcastleនៅថ្ងៃពុធនេះនោះ លោកKlopp បានលើកឡើងថា បញ្ហាសមត្ថភាពកីឡាករលេងមិនកើត នឹងអាចនបង្ខំឲ្យរូបលោកគិតគូរឡើងវិញពីយុទ្ធសាស្ត្រផ្ទេរកីឡាកររបស់គាត់។
លោកបាននិយាយប្រាប់សន្និសីទកាសែតថា លោកសប្បាយចិត្តខ្លាំងណាស់ នឹងអ្វីដែលលោកមាននាពេលបច្ចុប្បន្ន ប៉ុន្តែអ្នកមិនអាចដឹងថានឹងមានអ្វីកើតឡើងនោះទេ។ នោះហើយគឺជាហេតុផលដែលោកតែងតែបើកទ្វារជានិច្ចចំពោះការមកដល់របស់ក្រុមកីឡាករជើងថ្មី ។
លោកបន្តថា បើសិនជាមានអ្វីផ្លាស់ប្ដូរច្រើន បន្ទាប់មកយើងនឹងត្រូវការពិនិត្យមើលវាឡើងវិញ ហើយបើសិនជាគ្មានអ្វីកើតឡើងទេនោះ ដល់ពេលនោះ យើងនិយាយថា យើងនឹងមិនធ្វើអ្វីនោះទេនោះ។
សូមបញ្ជាក់ថា ក្រុម Liverpoolបានបំបាក់ក្រុមWolverhampton Wanderers ២-០កាលពីថ្ងៃសុក្រ ដើម្បីបន្តការនាំមុខកំពូលតារាង៤ពិន្ទុ ក្រោយក្រុម Man Cityទទួលរងបរាជ័យ២-៣ដ៏គួរភ្ញាក់ផ្អើលជាមួយក្រុមCrystal Palace៕
Source: Kampuchea Thmey Daily
0 Comments