ស្លាប់២នាក់ និងរបួសជាច្រើននាក់ ករណីរថយន្តលុចស៊ីសបុករះ នៅទួលគោក

Cambodia News March 28, 2019

ភ្នំពេញ ៖ យ៉ាងហោចណាស់មនុស្សប្រុស/ស្រី២នាក់ បានស្លាប់ភ្លាមៗនៅនឹងកន្លែងកើតហេតុ និងប្រមាណជា ៦ទៅ ៧នាក់ទៀត បានរងរបួសធ្ងន់ធ្ងរ ហើយត្រូវបានរថយន្តសាមុយជួយសង្គ្រោះដោយដឹកបញ្ជូនទៅកាន់មន្ទីរពេទ្យភ្លាមៗដែរ ក្រោយពីមានហេតុការណ៍គ្រោះថ្នាក់ចរាចរណ៍រថយន្តមួយគ្រឿងបើកបរមកបុករះយ៉ាងពេញទំហឹងនោះ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី២៨ ខែមិនា ឆ្នាំ២០១៩ នៅម្ដុំក្រោយអធិការដ្ឋានខណ្ឌទួលគោក សង្កាត់បឹងសាទ្បាង ខណ្ឌទួលគោក រាជធានីភ្នំពេញ។

ចំណែករថយន្តបង្ក ជាប្រភេទលុចស៊ីស RX300 ពណ៌ទឹកមាស ពាក់ស្លាកលេខ ភ្នំពេញ 2AN-2395 ហើយបុរសជាអ្នកបើកបរ ក៏ត្រូវបានប៉ូលិសឃាត់ខ្លួនភ្លាមៗដែរ បញ្ជូនទៅអធិការនគរបាលខណ្ឌទួលគោក៕