គណៈកម្មការ​ប្រកួត​បា​ល់​ទាត់​ជាតិ​កម្ពុជា បន្ថែម​ព័ត៌មាន​ពី​ពានរង្វាន់​លី​គ​កំពូល​កម្ពុជា ឆ្នាំ២០១៩

យោង​តាម​សន្និសីទ​សារព័ត៌មាន​ស្ដីពី​ពិធី​បើក​ការប្រកួត​ក្របខណ្ឌ​ពានរង្វាន់​លី​គ​កំពូល​កម្ពុជា នៅ​ព្រឹក​ថ្ងៃ​ពុធ ទី​០៦ ខែមីនា ឆ្នាំ​២០១៩ នា​ពហុ​កីឡដ្ឋាន​ជាតិ នៅ​រដូវ​កាល​ថ្មី​ដែល​នឹង​ចូល​មកដល់​ថ្ងៃ​សៅរ៍ ទី​១៦ ពាក់កណ្ដាល​ខែមីនា ឆ្នាំ​២០១៩ ហើយ​ក្នុងនោះ​ក៏​មាន​រឿងរ៉ាវ​មួយចំនួន​ដែល​ទស្សនិកជន​គួរ​ដឹងផង​ដែរ​។

ចំពោះ​បញ្ហា​បន្ថែម​កីឡាករ​បរទេស​ម្នាក់ទៀត​នៅ​កៅអី​បម្រុង គឺ​អំឡុង​ពេល​ប្រកួត គណៈកម្មការ​ប្រកួត​បា​ល់​ទាត់​ជាតិ​កម្ពុជា នៅតែ​គោរព​គោលការណ៍ ៣+១ ដដែល ដោយឡែក​កីឡារ​បរទេស​ទី​៥​នោះ​អាច​ចុះឈ្មោះ​ក្នុង​បញ្ជី​ការប្រកួត​ដើម្បី​ត្រៀម​ផ្លាស់ប្តូរ​។ ចំណែក​ពេលវេលា​ប្រកួត​គឺ​ប្រកួត​ទាំងអស់​មាន​ចំនួន​ពីរ​ពេល គឺ​ចាប់ពី​ម៉ោង​៣​និង​៣០​នាទី​រសៀល និង​មួយពេល​ទៀត​ចាប់ផ្ដើម​ពី​ម៉ោង​៦​ល្ងាច​។



ចំណែក​ក្លិប​ជា​សមាជិក​គឺមាន​ចំនួន​១៤​ក្រុម​គឺ​,​ណាហ្គា​វើ​ល​,​បឹងកេត​,​វិសាខា​,​ក្រសួងការពារជាតិ​,​ភ្នំពេញ​ក្រោ​ន​,​ព្រះខ័ន​រាជ​ស្វាយរៀង​,​អាស៊ី​អឺរ៉ុប​យូ​ណាយ​ធី​ត​,​អង្គ​រថា​យ​ហ្គឺ​រ​,​អគ្គស្នងការដ្ឋាន​នគ​របាល​ជាតិ​,​សូល​ទី​ឡូ​អង្គរ​,​អគ្គិសនី​កម្ពុជា​,​គិរីវង់​សុខ​សែន​ជ័យ​, មជ្ឈមណ្ឌល​បាល់ទាត់​ជាតិ​បាទី​,​ក្លិប​កំពង់ចាម​។

សម្រាប់​កីឡដ្ឋាន​ដើម្បី​ដំណើរការ​ប្រកួត​នោះ​ គឺ​ចំពោះ​កីឡដ្ឋាន គណៈកម្មការ​ប្រកួត​បា​ល់​ទាត់​ជាតិ​កម្ពុជា មិន​អនុញ្ញាត​ឲ្យ​ប្រើប្រាស់​ពហុ​កីឡដ្ឋាន​ជាតិ​អូឡាំពិក​ទៀត​ទេ គឺ​តម្រូវ​ឲ្យ​ក្លិប​នីមួយៗ​រៀបចំ​កីឡដ្ឋាន​រៀងៗ​ខ្លួន ដោយ​ក្លិប​មួយចំនួន​បាន​កំពុង​សាងសង់​កីឡដ្ឋាន​របស់​ខ្លួន​ទៅតាម​ស្តង់ដារ​ដែល គណៈកម្មការ​ប្រកួត​បា​ល់​ទាត់​ជាតិ​កម្ពុជា បាន​ដាក់​ឲ្យ​នៅ​ក្នុង​នោះ​ក្លិប​ដែលមាន​កីឡដ្ឋាន​ផ្ទាល់ខ្លួន​សម្រាប់​ប្រកួត​រដូវ​កាល​ថ្មី​ឆ្នាំ​២០១៩​នេះ មាន​ដូច​ជា​ក្លិប​ភ្នំពេញ​ក្រោ​ន ដែល​បាន​ប្រើ​កីឡដ្ឋាន R.S.N ក្លិ​ព្រះខ័ន​រាជ​ស្វាយរៀង ដែល​បាន​ប្រើ​កីឡដ្ឋាន ខេត្តស្វាយរៀង ក្លិប​ក្រសួងការពារជាតិ ដែល​បាន​ប្រើ​កីឡដ្ឋាន ស្តា​ត​ចាស់ ក្លិប​បាល់ទាត់​វិសាខា ដែល​បាន​ប្រើ​កីឡដ្ឋាន វិសាខា ក្លិប​អាស៊ី​អឺរ៉ុប​យូ​ណាយ​ធី​ត ដែល​បាន​ប្រើ​កីឡដ្ឋាន A.E.U Sport Park ក្លិប​អគ្គិសនី​កម្ពុជា ដែល​បាន​ប្រើ​កីឡដ្ឋាន អគ្គិសនី​កម្ពុជា ក្លិប​អង្គ​រថា​យ​ហ្គឺ​រ និង ក្លិប​សូល​ទី​ឡូ​អង្គរ ដែល​បាន​ប្រើ​កីឡដ្ឋាន​ខេត្តសៀមរាប ក្រុម​សាលា​បាល់ទាត់​ជាតិ​បាទី​ក្រោម​អាយុ​១៨​ឆ្នាំ ដែល​បាន​ប្រើ​កីឡដ្ឋាន សាលា​បាល់ទាត់​ជាតិ​បាទី ក្លិប​គីរីវង់​សុខ​សែន​ជ័យ ដែល​បាន​ប្រើ​កីឡដ្ឋាន ខេត្តតាកែវ​ក្រុមបាល់ទាត់​ខេត្តកំពង់ចាម ដែល​បាន​ប្រើ​កីឡដ្ឋាន វិទ្យាល័យ​ប៊ុន រ៉ានី​ហ៊ុនសែន​មេមត់​។ ដោយឡែក​មាន​ក្លិប​ចំនួន ៣ ដែល​សង់​កីឡដ្ឋាន​មិនទាន់​រួចរាល់​មានដូចជា​ក្លិប​ណាហ្គា​វើ​ល ត្រូវបាន​យក​កីឡដ្ឋាន​ស្តា​ត​ចាស់ ធ្វើជា​កីឡដ្ឋាន​ផ្ទាល់ខ្លួន​បណ្តោះអាសន្ន ក្លិប​បាល់ទាត់​អគ្គស្នងការដ្ឋាន​នគរ​បាល​ជាតិ ដោយ​កីឡដ្ឋាន 7NG កំពុង​ស្ថិត​ក្នុងការ​សាងសង់​ក៏ត្រូវ​បាន​យក​កីឡដ្ឋាន​អគ្គិសនី​កម្ពុជា ធ្វើជា​កីឡដ្ឋាន​ផ្ទាល់ខ្លួន​បណ្តោះ​អាសន្ន​ក្នុងការ​ប្រកួត​ជើង​ទី​១ ក្នុង​ពានរង្វាន់ Metfone Cambodian league ឆ្នាំ​២០១៩ និង​ការប្រកួត​ជើង​ទី​២ ក្លិប​នឹង​យក​កីឡដ្ឋាន 7NG ធ្វើជា​កីឡដ្ឋាន​ផ្ទាល់ខ្លួន​វិញ​។ ក្លិប​បឹងកេត ដែល​កីឡដ្ឋាន​ផ្ទាល់​ខ្លួន​កំពុង​សាងសង់ និង​បាន​រួចរាល់​ក្នុង​រយៈ​២​ខែ​ខាងមុខ ក៏ត្រូវ​បាន​ខកខាន​ការប្រកួត​ក្នុង​ទឹកដី​របស់ខ្លួន ៣ ប្រកួត​ដំបូង​។ ក្លិប​បឹងកេត ក៏បាន​ស្នើ​មក គណៈកម្មការ​ប្រកួត​បា​ល់​ទាត់​ជាតិ​កម្ពុជា ហើយ​ក្លិប​ទាំងអស់​ក៏បាន​យល់ព្រម​ការស្នើ​ដើម្បី​លើក​៣​ប្រកួត​ក្នុង​ទឹកដី​ដំបូង​របស់​ខ្លួន ទៅ​ប្រកួត​ជា​ក្រុម​ភ្ញៀវ​វិញ​។

សម្រាប់​រូបមន្ត​គិត​ចំណាត់ថ្នាក់ វិញ​ គឺ​ក្នុងករណី​បើ​ក្លិប​ណាមួយ​មាន​ពិន្ទុ​ស្មើគ្នា​គឺ គណៈកម្មការ​ប្រកួត​បា​ល់​ទាត់​ជាតិ​កម្ពុជា គិត​ទៅលើ ទី​១) គ្រាប់​ចំណេញ ទី​២)​គ្រាប់​ស៊ុត​ចូល ទី​៣) Head to Head ទី​៤)​តាម​ពិន្ទុ Fair Play​។ ក្លិប​មាន​ពិន្ទុ​ច្រើនជាងគេ​ក្រោយ​ចប់​ការប្រកួត​វិលជុំ​ទាំងអស់ នឹង​ក្លាយជា​ជើងឯក​។ សូមបញ្ជាក់ថា​តាម​គម្រោង​ពានរង្វាន់​បាល់ទាត់​លី​គ​កំពូល​កម្ពុជា​រដូវ​កាល​ថ្មី​ឆ្នាំ ២០១៩ នេះ​នឹងចាប់​ផ្តើម​ពី​ថ្ងៃទី​១៦ ខែមីនា ដល់​ថ្ងៃទី១៧ ខែតុលា ឆ្នាំ២០១៩៕

Source: Kampuchea Thmey Daily