ក្រុមហ៊ុនទឹកពិសាវីតាល់ ផ្តល់វត្ថុអនុស្សាវរីយ៍ជាវីតាល់ពាក់មួកនិស្សិតបញ្ចប់ការសិក្សាយ៉ាងស្រស់ស្អាត ដល់និស្សិត២៥០០នាក់

Cambodia News April 24, 2019

ភ្នំពេញ ៖ ក្រុមហ៊ុនទឹកពិសាវីតាល់ បានផ្តល់វត្ថុអនុស្សាវរីយ៍ជាវីតាល់ពាក់មួកនិស្សិតបញ្ចប់ការសិក្សាយ៉ាងស្រស់ស្អាត ដល់និស្សិតសាកលវិទ្យាល័យជាតិគ្រប់គ្រងចំនួន ២៥០០នាក់នៅក្នុងកម្មវិធីទទួលសញ្ញាបត្រថ្នាក់ជាតិកាលពីព្រឹកថ្ងៃទី២៣ ខែមេសា ឆ្នាំ២០១៩។

និស្សិតដែលបានទៅចូលរួមកម្មវិធីទទួលសញ្ញាបត្រទាំង២៥០០នាក់ បានសម្តែងភាពភ្ញាក់ផ្អើល និងសប្បាយរីករាយជាខ្លាំង នៅពេលដែលទទួលបាន វត្ថុអនុស្សាវរីយ៍ដែលបានរៀបចំរួចជាស្រេចសម្រាប់ពួកគេនៅតាមកៅអីអង្គុយនីមួយៗ។

និស្សិតជាច្រើនបានបង្ហោះរូបភាពវីតាល់ ពាក់មួកនិស្សិតបញ្ចប់ការសិក្សានៅលើបណ្តាញសង្គម ដោយបានបញ្ចេញមតិវិជ្ជមានផ្សេងៗគ្នា ព្រមទាំងសារអរគុណដល់វីតាល់ដែលបានចែករំលែកក្តីស្រឡាញ់ដល់ពួកគេ។ ក្រុមហ៊ុនវីតាល់ ដែលល្បីល្បាញលើការងារសង្គម យល់ច្បាស់ពីការខិតខំប្រឹងប្រែងរបស់និស្សិត មុននឹងឈានដល់ភាពជោគជ័យនៃការបញ្ចប់ការសិក្សា ទទួលបានសញ្ញាបត្រថ្នាក់ជាតិ។ ដូច្នេះហើយទើប វីតាល់បានចូលរួមជាមួយរដ្ឋាភិបាលអបអរសាទរដល់និស្សិត ដែលទទួលបានភាពជោគជ័យមួយនេះ ហើយ វីតាល់ ក៏នឹងបន្តកម្មវិធីនេះនៅតាមសាកលវិទ្យាល័យផ្សេងៗទៀតដើម្បីជាការលើកទឹកចិត្តដល់និស្សិតខ្មែរ៕