ភ្នំពេញ ៖ លោក ថន ថារិទ្ធប្រធានសមាគមអប់រំនិងជួយក្មេងក្រីក្រ (ត្រកូលសៅ)និងជាដំណក់ឈាមតែមួយគត់របស់ អតីតតារាភាពយន្តដ៏ល្បីល្បាញ លោក ជាយុទ្ធ ថននិងអ្នកនាងសោម សុវណ្ណសូដានី ទទួលបានការគាំទ្រច្រើនពីសំណាក់បងប្អូនខ្មែរដែលរស់នៅប្រទេសកាណាដា ខណៈពេលដែលលោក អញ្ជើញទៅចូលរួមសំដែងសិល្បៈ ដើម្បីរៃអង្គាសថវិកាជួយដល់ក្មេងក្រីក្រដែលកំពុងរៀនសូត្រនៅក្នុង មណ្ឌលតាសៅថ្មដាស្ថិតនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ ។
ក្នុងដំណើរវិលត្រលប់មកពីប្រទេសកាណាដាវិញនាព្រលប់ថ្ងៃទី២៣ខែមេសាឆ្នាំ២០១៩នៅឯព្រលានយន្តហោះអន្តរជាតិភ្នំពេញ លោក ថន ថារិទ្ធ (ហៅសៅភី) បានមានប្រសាសន៍ថា រយៈពេល១០ថ្ងៃ ដែលលោកទៅ ចូលរួមសំដែងសិល្បៈចម្រៀង ក្នុងឱកាសបុណ្យចូលឆ្នាំប្រពៃណីជាតិខ្មែរ នៅក្នុងវត្តពុទ្ធិកៈ ប្រទេសកាណាដា ក្រោមការរៀបចំឡើងពីបងប្អូនខ្មែរដែលរស់នៅទីនោះ លោកទទួលបានការគាំទ្រច្រើនជាពិសេស បងប្អូនសមាគមខ្មែរនៅរដ្ឋVictoria និង រដ្ឋ Vancouver ដោយសារតែនៅទីនោះកម្រមានសិល្បករខ្មែរទៅដល់ព្រោះទីនោះស្ថិតនៅលើដីកោះមួយ ត្រូវការជិះកប៉ាល់បន្តទៅទៀតទើបទៅដល់រដ្ឋVictoria។ លោកបន្តថា បងប្អូនគាំទ្រច្រើនដោយសារតែទី១លោកជាក្មេងកំព្រា តំណាងសមាគមជួយដល់ក្មេងក្រីក្រនិងលោករស់នៅក្រោមដំបូលព្រះពុទ្ធសាសនាដែលមានលោកតាសៅជាអ្នកផ្តួចផ្តើម។
លោក ថន ថារិទ្ធ (ហៅសៅភី)បានថ្លែងអំណរគុណដល់សប្បុរសជនទាំងអស់ទាំងក្នុងប្រទេសនិងក្រៅប្រទេសដែលបានជួយគាំទ្រដល់សមាគមអប់រំនិងជួយក្មេងក្រីក្រ (ត្រកូលសៅ)ជាពិសេសសូមថ្លែងអំណរគុណដល់សមាគមខ្មែរVictoria តាមរយៈលោកTesry និងភរិយា លោក Benji Chau និងលោកស្រីKhien Neang លោក ប្រធានសមាគមខ្មែរនៅVictoria គឺ លោក Prum Chhun រួមទាំងសហការីលោក Sea Phann លោក Lay Leng លោក Chao Sokhum លោក Keo Mean លោក Touch Sokol លោក Kim Khon, លោក Tesry លោក Tran Thanh និងលោក Sea Sophath ។ បងប្អូនសមាគមខ្មែរ នៅ Nanai mo B.C សមាគមខ្មែរនៅ Vancouver ទាំងអស់។ជាមួយគ្នានេះ សប្បុរជនលោកTesry និងភរិយា លោក Benji Chau និងលោកស្រីKhien Neang ព្រមទាំង លោក Naiyani Khoun និងភរិយា នៅរដ្ឋNew Shalwell នៃប្រទេសអូស្រា្តលី បានផ្តួចផ្តើមកសាងប្រាង្គដើម្បីតំកល់ព្រះធាតុ លោកតាសៅ ក្នុងមណ្ឌលតាសៅថ្មដា រួមសហការជាមួយបងប្អូនខ្មែរនៅVictoria, Nanaimo , Vancouver និងបងប្អូនខ្មែរនៅឯនាយសមុទ្រទាំងអស់ ព្រមទាំងបងប្អូនខ្មែរទាំងអស់ក្នុងប្រទេសរួមមានលោកស្រីអ៊ីផានណាផងដែរ៕
Source: Kampuchea Thmey Daily
0 Comments