បន្ទាយមានជ័យ ៖ រថយន្តកាមរីដឹកអ្នកជម្ងឺមួយគ្រឿង បានឆ្លងចរន្ធភ្លើង បណ្តាលឲ្យភ្លើងឆាបឆេះយ៉ាងសន្ធោសន្ធៅ សំណាងល្អអ្នកជម្ងឺ និងអ្នករួមដំណើរបើកទ្វាររថយន្តចុះគេចទាន់ពេលវេលា ពុំមានអ្នកណារងរបួសនិងករណីឆ្លងចរន្តភ្លើងរថយន្តនេះឡើយ។
ហេតុការណ៍រថយន្តដឹកអ្នកជម្ងឺឆ្លងភ្លើងឆេះខ្ទេចនេះ កើតឡើងនៅថ្ងៃទី៨ ខែមករា ឆ្នាំ២០១៥នៅវេលាម៉ោង ១២ថ្ងៃត្រង់នៅតាមផ្លូវជាតិលេខ៥៦Aត្រង់ចំណុច ភូមិខ្លែងពណ៌ត្បូង ឃុំស្លក្រាម ស្រុកស្វាយចេក ខេត្តបន្ទាយមានជ័យ។
លោកមេ ប៉ុស្តិ៍ឃុំស្លក្រាមបានប្រាប់ឲ្យដឹងថា មុនពេលកើតហេតុនោះមានរថយន្តកាមរីមួយគ្រឿងបានដឹកអ្នកជម្ងឺទៅកាន់មន្ទីរពេទ្យយ៉ាងលឿន លុះបើកមកដល់ចំណុចកើតហេតុខាងលើ
រថយន្តនោះបានឆ្លងប្រព័ន្ធភ្លើង បណ្តាលអោយមានផ្សែងភ្លើងយ៉ាងសន្ធោសន្ធៅ បណ្តាលឲ្យឆេះតែម្តងក្នុងខណៈដែលកំពុងបើកបរ។ រថយន្តដែលឆេះនោះមានម៉ាកកាមីរីសេរី ៩៥ ពណ៌សពាក់ផ្លាកលេខ ភព២C៨៨២៥ បើកបរដោយឈ្មោះហឿពេច ភេទប្រុស អាយុ ២៥នៅភូមិខ្វាវកើត ឃុំរលួស ខេត្តបន្ទាយមានជ័យរួមដំណើរ 0៥ អ្នកជម្ងឺ១នាក់ តែពុំមានគ្រោះថ្នាក់អ្វីទេ ឯរថយន្តឆេះអស់ទាំងស្រុង។ ក្រោយពេលកើតហេតុរួចសមត្ថកិច្ច និងប្រជាពលរដ្ឋបានមកចោមរោមមើលសកម្មភាពដែលភ្លើងកំពុងឆាបឆេះយ៉ាងសន្ធោសន្ធៅ ដោយពុំអាចជួយពន្លត់ភ្លើងដែលកំពុងឆាបឆេះនេះឡើយ បានត្រឹមតែមកមើលតែប៉ុណ្ណោះ៕
0 Comments