ភ្នំពេញ ៖ កម្លាំងផ្នែកព្រហ្មទណ្ឌ នៃអធិការដ្ឋាននគរបាលខណ្ឌទួលគោក នៅថ្ងៃទី០៤ ខែកញ្ញា ឆ្នាំ២០១៥ វេលាម៉ោង ១៥និង៣០នាទីបានឃាត់ខ្លួន ជនសង្ស័យ០១នាក់ ពីបទជួញដូរដោយខុស ច្បាប់នូវសារធាតុញៀន ប្រព្រឹត្តនៅចំណុចប្លុក រោងចក្រឆ្នាំង ផ្លូវរថភ្លើង ក្រុមទី១០២ ភូមិ ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ជនសង្ស័យម្នាក់នេះឈ្មោះផាន់ វុទ្ធីសាល ហៅ សាល ភេទប្រុស អាយុ ២១ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ៥ ផ្លូវលេខ២ ( បូរីពិភពថ្មី) ភូមិត្រពាំងថ្លឹង ផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ រាជ ធានីភ្នំពេញ។
ក្នុងការឃាត់ខ្លួននេះប៉ូលិសដកហូតបានវត្ថុតាងមួយចំនួន ក្នុងនោះរួមមាន ក្រាមពណ៌សថ្លា (សង្ស័យជាគ្រឿងញៀន ប្រភេទម៉ាទឹកកក) ចំនួន ០២កញ្ចប់តូច-លុយចំនួន ៩៤.០០០៛ ( ប្រាំបួនម៉ឺនបួន ពាន់រៀល)។
មន្ត្រីប៉ូលិសផ្នែកព្រហ្មទណ្ឌ នៃអធិការដ្ឋាននគរបាលខណ្ឌទួលគោក បានអោយដឹងថា ការឃាត់ខ្លួនជនសង្ស័យម្នាក់នេះ គឺក្នុងខណៈពេលដែលជនសង្ស័យកំពុងតែធ្វើសកម្មភាពជួញដូរដោយខុស ច្បាប់នូវសារធាតុញៀនជាក់ស្តែង ទើបកម្លាំងរបស់ប៉ូលិសធ្វើការឃាត់ខ្លួនតែម្តង។
បច្ចុប្បន្នជនសង្ស័យ កំពុងឃាត់ខ្លួននៅ អធិការដ្ឋាននគរបាលខណ្ឌទួលគោក ដើម្បី សាកសួរ និងកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕
ប៉ូលិសឃាត់ ខ្លួនជនសង្ស័យម្នាក់ជាក់ស្តែង ពីបទជួញដូរគ្រឿងញៀន
0 Comments