អង្គការសុខភាពពិភពលោក WHO បានបញ្ជាក់ពីករណីកើតជំងឺប៉ូលីយ៉ូ Poliomyelitis ដល់ទៅ២ករណីនៅក្នុងប្រទេសអ៊ុយក្រែន ដែលនេះជាលើកទីមួយហើយកើតមានឡើងនៅទ្វីបអឺរ៉ុប ចាប់តាំងពីឆ្នាំ២០១០មក ដោយព្រមានថា ជាសក្ដានុពលនៃការចម្លងរាលដាលដោយសារតែយឺតយ៉ាវក្នុងការចាក់វ៉ាក់សុំាងបង្ការ។
ថ្វីបើយ៉ាងដូចនេះក្ដី ក៏អាជ្ញាធរនៅក្នុងស្រុកបានអះអាងថា កុមារ២នាក់អាចទទួលរងករណីស្វិតដៃជើងលែងកម្រើករួច ដោយសារតែជំងឺផ្សេងពីគ្នាមួយ។
ទារកដែលមានអាយុទើបតែ១០ខែម្នាក់ និងកុមារអាយុ៤ឆ្នាំដែលមកពីតំបន់ភាគនិរតី Zakarpatskaya នៃប្រទេសអ៊ុយក្រែននោះ រងអាការៈស្វិតអវយវៈ ដោយលែងកម្រើករួចនៅក្នុងករណីជាប់ឯតទគ្គកម្មជាលើកទីមួយនៃជំងឺប៉ូលីយ៉ូ នៅទ្វីបអឺរ៉ុប ក្នុងរយៈកាលពាក់កណ្ដាលទសវត្សរ៍ នេះជាការលើកឡើងដោយអង្គការសុខភាពពិភពលោក (WHO) នៅក្នុងសេចក្ដីប្រកាសព័ត៌មានមួយកាលពីថ្ងៃអង្គារ។
អ្នកនាំពាក្យរបស់ WHO លោក Oliver Rosenbauer បានប្រាប់ AFP ថា នេះគឺជាករណី ប៉ូលីយ៉ូលើកទីមួយហើយនៅក្នុងទ្វីបអឺរ៉ុប រាប់ចាប់តាំងពីឆ្នាំ២០១០មកនោះ។ ខណៈពេលដែលមានករណីប៉ូលីយ៉ូជាលើកចុងក្រោយបង្អស់ ដែលត្រូវបានជាប់ឯតទគ្គកម្មជាផ្លូវការនៅក្នុងប្រទេសអ៊ុយក្រែន ក្នុងឆ្នាំ១៩៩៦នោះ ការចាក់វ៉ាក់សុំាងបង្ការ នៅពុំទាន់បានគ្រប់គ្រាន់នៅឡើយទេ កាលពីពេលនោះ។ បើយោងតាម WHO បានលើកឡើងនោះថា តាមការប៉ាន់ប្រមាណមានកុមារអ៊ុយក្រែន ស្មើនឹងចំនួន៥០ភាគរយតែប៉ុណ្ណោះដែលត្រូវបានទទួលវ៉ាក់សុំាង កាលពីឆ្នាំទៅមិញ។
តំបន់ដែលរកឃើញករណីទាំងឡាយនៃជំងឺប៉ូលីយ៉ូនេះ នៅក្បែរព្រំដែននៃប្រទេសរ៉ូម៉ានី ហុងគ្រី ស្លូវ៉ាគី និងប៉ូឡូញ។
WHO លើកឡើងថា ហានិភ័យនៃការរីករាលដាលជាអន្ដរជាតិចេញពីប្រទេសអ៊ុយក្រែន គឺនៅយឺតឬទាបនៅឡើយទេ ប៉ុន្ដែបើនិយាយពីនៅក្នុងប្រទេសនេះវិញ គឺពិតជាខ្ពស់ហើយ៕
RT
អង្គការWHOព្រមានពីការរីករាលដាលនៃជំងឺប៉ូលីយ៉ូ
0 Comments