ពួកសមាជិកក្រុមអ្នកលេង ដែលគេសង្ស័យយ៉ាងតិច៩នាក់ ត្រូវបានគេសម្លាប់នៅថ្ងៃអង្គារនៅក្នុងរដ្ឋមីចូកេន ភាគខាងលិចប្រទេសម៉ិកស៊ិក ដែលកំពុងវិលត្រឡប់ទៅរកអំពើហិង្សាក្រោយពីពួកអាជ្ញាធរនិយាយថា គេបានធ្វើឲ្យមានស្ថិរភាពហើយនោះ។
លោកអាហ្វ្រេតដូ កាសទីឡូ ស្នងការសន្ដិសុខនៅមីចូកេន របស់រដ្ឋាភិបាលសហព័ន្ធបាននិយាយប្រាប់សន្និសីទកាសែតមួយពីចំនួនសរុបជាបឋមគឺមាន៩នាក់នៅក្នុងឧប្បត្ដិហេតុពីរ។
លោកនិយាយថា នៅក្នុងអតីតតំបន់ការពារអាប៉ាត់ហ្ស៊ីនហ្កាន នៅភាគខាងលិចរដ្ឋមីចូកេន សមាជិកក្រុមអ្នកលេងដែលគេសង្ស័យម្នាក់បានស្លាប់ក្រោយពីត្រូវបានរថយន្ដកិនក្នុងខណៈពេលកំពុងប៉ុនប៉ងរត់គេចពីការចាប់ខ្លួននៅពេលកងកម្លាំងសហព័ន្ធ បានដណ្ដើមកាន់កាប់ការិយាល័យរបស់ចៅហ្វាយក្រុងមកវិញដែលត្រូវបានកាន់កាប់ដោយពួកប្រដាប់អាវុធមក។
លោកកាសទីឡូ បានបន្ថែមទៀតថា មនុស្ស៨នាក់ទៀតត្រូវបានគេសម្លាប់នៅក្នុងការប្រយុទ្ធគ្នាមួយជាមួយពួកទាហាន។ លោកនិយាយថា មនុស្ស៤៤នាក់ត្រូវបានចាប់ខ្លួន៕
រឹទ្ធ
0 Comments