កំពង់ធំ ៖ យប់ថ្ងៃទី០៦ ខែមករា ឆ្នាំ២០១៥ វេលាម៉ោង៩និង៤៥នាទី មានគ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ៦២ ព្រះវិហារ-កំពង់ធំ ត្រង់ចំណុចថ្នល់បំបែកស្ថិតក្នុងខេត្តកំពង់ធំ ដោយសារគោយន្តបុកស័រដាច់កង់មុខខាងស្ដាំក្រឡាប់ផ្ងារជើង តែពុំមាននរណាម្នាក់ រងរបួស ឬគ្រោះថ្នាក់ដល់អាយុជីវិតទេ។
តាមការឲ្យដឹងពីម្ចាស់គោយន្តបានឲ្យដឹងថា ខ្ញុំឈ្មោះ ហួន ជា អាយុ៣១ឆ្នាំ រស់នៅភូមិចុងដា ឃុំត្បូងក្រពើ ស្រុកសន្ទុក ខេត្តកំពង់ធំ និង ព្រូ ឈ្មោះ ពុតហេង អាយុ២៣ឆ្នាំ រស់នៅក្នុងភូមិ/ឃុំ ជាមួយគ្នា បានដឹកអុសចេញពីភូមិតាឡែក ឃុំតាឡែកថ្មី ស្រុកកំពង់ស្វាយ ខេត្តកំពង់ធំជិតព្រំដែនខេត្តព្រះវិហារ បើកបរមកដល់ចំណុចជិតថ្នល់បំបែកក្នុងភូមិថ្នល់បែក ឃុំត្រពាងឫស្សី ស្រុកកំពង់ស្វាយ ខេត្តកំពង់ធំ ក៏បានដាច់កង់មុខរបូតចេញ ហើយក្រឡាប់ចាក់អុសពេញទំហឹងធ្វើឲ្យកង់ក្រោយក្រឡាច់របូតកង់ម្ខាងទៀត តែសំណាងល្អតៃកុង និងព្រូបានលោតរួចពុំមានអ្នករងរបួសឬ គ្រោះថ្នាក់ដល់អាយុជីវិតអ្នកណាមួយឡើយ។
ក្នុងហេតុការណ៍គ្រោះថ្នាក់ចរាចរណ៍នេះពុំបានរំខានដល់សមត្ថកិច្ចណាម្នាក់ឡើយ ព្រោះថាសូម្បីតែប្រជាពលរដ្ឋដែលមានផ្ទះនៅជិតកន្លែងកើតហេតុ សឹងតែគ្មាននរណាដឹងពីហេតុការណ៍នេះដែរ៕
ប៊ុន រដ្ឋា
0 Comments