គ្រោះថ្នាក់ចរាចរណ៍ថ្ងៃទី០៨ ខែមករា បានកើតឡើង០៨លើក ស្លាប់០៤នាក់ និងរងរបួសធ្ងន់ស្រាល ១១នាក់
ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី០៨ ខែមករា ឆ្នាំ២០១៥នេះថា មានករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន០៨លើក (យប់០២លើក)បណ្ដាលឲ្យមនុស្សស្លាប់០៤នាក់ (ស្រី០២នាក់), រងរបួសធ្ងន់០៦នាក់ (ស្រី០១នាក់) និងរបួសស្រាល០៥នាក់(ស្រី០២នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង០៨លើកនេះបានបង្កឲ្យមានការខូចខាត យានយន្តសរុប១៥គ្រឿង ក្នុងនោះមានម៉ូតូចំនួន១១គ្រឿង, រថយន្តធុនតូចចំនួន០១គ្រឿង, រថយន្តធុនធំ ០៣គ្រឿង។ ប្រភពព័ត៌មានខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៣លើក, មិនប្រកាន់ស្តាំ០១លើក,ប្រជែងគ្រោះថ្នាក់ ០២លើក, បត់គ្រោះថ្នាក់០១លើក,និងកត្តាយានយន្ត០១លើក ក្នុងនោះមានអ្នកជិះម៉ូតូគ្រោះថ្នាក់ ដោយមិនបានពាក់មួកសុវត្ថិភាព១១នាក់ (យប់០៣នាក់)។
យោងតាមប្រភពព័ត៌មានពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បញ្ជាក់ថា រថយន្តដែលត្រូវផាកពិន័យនៅអង្គភាព កាលពីថ្ងៃទី០៨ ខែមករា ឆ្នាំ២០១៥នេះ សរុបចំនួន៨១៩គ្រឿង ក្នុងនោះមាន រថយន្តទេសចរណ៍គ្រួសារ១២៣គ្រឿង, រថយន្តដឹកអ្នកដំណើរធុនតូច២៥៧គ្រឿង,រថយន្តដឹកអ្នកដំណើរធុនធំ១៦គ្រឿង , រថយន្តដឹកទំនិញធុនតូច១៤១គ្រឿង និងរថយន្តដឹកទំនិញធុនធំ២៨២គ្រឿង។ រថយន្តទាំងអស់ត្រូវបានបង់ប្រាក់ពិន័យរួចរាល់នៅអធិការដ្ឋាននគរបាលស្រុកចំនួន៦៥គ្រឿង នៅស្នងការដ្ឋាននគរបាលខេត្ត៣៤៩គ្រឿងនិងនៅនាយកដ្ឋានសណ្ដាប់ធ្នាប់៤៦គ្រឿង៕
0 Comments