ប្រធានាធិបតីសហរដ្ឋអាមេរិក លោកបារ៉ាក់អូម៉ា (Obama) និងអធិការបតីអាល្លឺម៉ង់ លោកស្រី អេន ជឺឡាមឺកែល (Angela Merkel) បានប្រមូលផ្តុំនៅពីក្រោយកិច្ចប្រឹងប្រែង ដើម្បីឈានទៅរកដំណោះស្រាយការទូតមួយចំពោះជម្លោះរវាងប្រទេសរុស្ស៊ី និងប្រទេសអ៊ុយក្រែន នៅថ្ងៃច័ន្ទ ប៉ុន្តែមេដឹកនាំទាំងពីរមិនបានផ្តល់ផ្លូវច្បាស់លាស់ណាមួយសម្រាប់ថា តើលោកខាងលិចនឹងដំណើរការដូចម្តេច ប្រសិនបើការចរចាក្នុងសប្តាហ៍នេះ មិនបានសម្រេចនោះ។
នៅក្នុងអំឡុងពេលសន្និសីទកាសែតរួមមួយ នៅសេតវិមាន លោកអូបាម៉ាបានសម្តែងសេចក្តីសង្ឃឹមថា សហរដ្ឋអាមេរិកអាចបញ្ជូនអាវុធប្រឆាំងរថក្រោះ និងអាវុធការពារផ្សេងទៀតទៅឲ្យប្រទេសអ៊ុយក្រែន ជាលើកទីមួយ។ ដោយឡែកពុំមានសេចក្តីសម្រេចចិត្តណាមួយត្រូវបានធ្វើទេ លោកប្រធានាធិបតីនិយាយថា លោកបានបញ្ជាក្រុមរបស់លោកឲ្យពិចារណាថា តើមានអ្វីបន្ថែមទៀតដែលយើងអាចធ្វើបាន ដើម្បីជួយប្រទេសអ៊ុយក្រែន ដើម្បីពង្រឹងការការពារនៅក្នុងការប្រឈមមុខនឹងការឈ្លានពានរបស់ប្រទេសរុស្ស៊ី។
លោកស្រីមឺកែល បានប្រឆាំងយ៉ាងខ្លាំងក្លា ចំពោះការផ្តល់អាវុធឲ្យយោធាដែលហ៊ុមព័ទ្ធដោយសត្រូវរបស់ប្រទេសអ៊ុយក្រែននោះ។ អធិការបតីអាល្លឺម៉ង់ដែលប្រែលជាមានទំនាក់ទំនងដែលមានផ្លែផ្កាបំផុតជាមួយប្រធានាធិបតីរុស្ស៊ី លោកវ៉្លា ឌីមៀរពូទីន(putin) នោះបានបញ្ជាក់ច្បាស់ថា លោកស្រីមិនបានបោះបង់ចោលស្ដីពីលទ្ធភាពដែលថា ការចរចាការទូតអាចផ្តល់គម្រោងសន្តិភាពដ៏ពិបាកមួយនោះទេ៕
0 Comments