ប្រជាជនសិង្ហបុរីបានផ្ដល់ការគាំទ្រដ៏ធំបំផុតទៅឲ្យគណបក្សសកម្មភាពប្រជាជន (ហៅកាត់ថា PAP) ចាប់តាំងពីឆ្នាំ ២០០១ ដោយគណបក្សកាន់អំណាចមួយនេះបានឈ្នះសំឡេងឆ្នោតគាំទ្រជិត ៧០ភាគរយ។
ដោយមានអាសនៈទាំងអស់ចំនួន ៨៩ដែលត្រូវបានប្រកួតប្រជែងជាលើកដំបូងចាប់តាំងពីប្រទេសនេះទទួលឯករាជ្យមក, គណបក្ស PAP បានចាប់យកអាសនៈចំនួន ៨៣។
គណបក្សកាន់អំណាចបានទទួលសំឡេងគាំទ្រជាង ៧០ ភាគរយនៃទីតាំងបោះឆ្នោត១៥ក្នុងចំណោម២៩ដោយនៅ Jurong GRC (៧៩,២៨ ភាគរយ), Ang Mo Kio GRC (៧៨,៦៣ ភាគរយ) និង West Coast GRC (៧៨,៥៧ ភាគរយ)។
សំឡេងគាំទ្រសរុបរបស់គណបក្ស PAP ចំនួន ៦៩,៨៦ ភាគរយគឺជាកម្រិតខ្ពស់បំផុតគិតចាប់តាំងពីការទទួលជ័យជម្នះភ្លូកទឹកភ្លូកដីនៅឆ្នាំ ២០០១ ដែលបានទទួល ៧៥,៣ ភាគរយដែលកាលនោះជាឆ្នាំដែលមានតែអ្នកមានសិទ្ធិបោះឆ្នោតមួយភាគបីប៉ុណ្ណោះបានបោះឆ្នោតដោយសារតែមានបញ្ហា។
គួរបញ្ជាក់ថា នេះគឺជាការស្ទុះងើបឡើង ៩,៧២ភាគរយពីចំនួន ៦០,១៤ភាគរយនៃការបោះឆ្នោតនៅក្នុងឆ្នាំ២០១១៕
CAN
គណបក្ស PAP ឈ្នះការបោះឆ្នោតជាមួយសំឡេងគាំទ្រ៦៩,៨៦ភាគរយ
0 Comments