កំពង់ធំ ៖ រថយន្តរបស់ក្រុមហ៊ុនថៃហ្គេបៀរ បានបើកបុកម៉ូតូមួយគ្រឿង ជិះគ្នា៣នាក់ បណ្តាលឲ្យស្លាប់ម្នាក់ភ្លាមៗនៅ នឹងកន្លែងកើតហេតុ ចំណែកស្ត្រីពីរនាក់ដែលរួមដំណើរ របួសធ្ងន់ដោយសារបាក់ជើងខាងឆ្វេង សន្លប់បាត់បង់ស្មារតី ចំណែកស្រីម្នាក់ទៀត របួសស្រាល ដែលបណ្តាលមកពី រថយន្តរបស់ដេប៉ូស្រាបៀរ ថៃហ្គេរ បានបើកបុកយ៉ាង ពេញទំហឹង ខណៈពេលដែលកំពុងតែបើកបរ ក្នុងទិសដៅបញ្ច្រាសទិសគ្នាពីជើងទៅត្បូង។
ហេតុការណ៍នេះបានកើតឡើងកាលពីវេលាម៉ោង ២៣.៤០នាទី ស្ថិតនៅចំណុច មុខផ្ទះប៉ែន បូរ៉ាណ ក្នុងភូមិ ដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ មុនពេលកើតហេតុ មានម៉ូតូម៉ាកវេវ RS ពណ៌ ខ្មៅ ពាក់ស្លាកលេខកំពង់ធំ 1D-4861 ជិះគ្នា៣នាក់ មកពីភូមិពោធិបាក់ក លុះមកដល់ចំណុចកើតហេតុ ត្រូវបានរថយន្ត ម៉ាកតូយូតា មួយបាំងកន្លះ របស់ដេប៉ូស្រាបៀថៃហ្គេរ ប្រចាំខេត្តកំពង់ធំ ដែលបានសរសេរអក្សរពីក្រោយរថយន្តថា( ស្រវឹងកុំបើកបរ )តែចៃដន្យអីម្ចាស់រថយន្តស្រវឹងយ៉ាងពពុល ដែលត្រូវបានគេស្គាល់ឈ្មោះ ស៊ីម ហួត ភេទ ប្រុស អាយុ២៩ឆ្នាំ មុខរបរតៃកុងដឹក ស្រាបៀរប្រចាំដេប៉ូស្រាបៀរថៃហ្គេរ ប្រចាំខេត្តកំពង់ធំ បានបើកបុកយ៉ាងពេញទំហឹង បណ្តាលឲ្យមានមនុស្សស្លាប់ ហើយបែរជា រត់ចូលក្លឹបឌីស្កូរ អ៊ីវូ យ៉ាងរំភើយ តែត្រូវបានសមត្ថកិច្ចចាប់យូរយកមក វាយខ្នោះបញ្ជូនទៅតុលាការ។
ចំណែកជនរងគ្រោះទី១ ឈ្មោះ ធាត់ ភាព អាយុ សានគរ ឃុំសានគរ ស្រុកកំពង់ស្វាយ ខេត្តកំពង់ធំមានមុខរបរ តៃកុងរថយន្តច្រូតស្រូវ ( ស្លាប់ ) ទី២ ឈ្មោះ ម៉ន ស្រីតូច ទី៣ ឈ្មោះ ស៊ីម ស្រង ភេទស្រី សង្សាអ្នកបើកម៉ូតូ តាមការឲ្យដឹងពីជនរងគ្រោះបានឲ្យដឹងថា ខណៈពេលដែលពួកខ្លួនកំពុងតែជិះម៉ូតូនៅខាងស្តាំងដៃតាមសម្រួល ស្រាប់តែតៃកុងឡាននេះបើកមកបុកចំៗតែម្តងបណ្តាលឲ្យមិត្តភ័ក្តរបស់ខ្លួនស្លាប់តែម្តង។
តាមការិះគន់យ៉ាងចាស់ដៃ ទៅលើដេប៉ូស្រាបៀរថៃហ្គេរ ខេត្តកំពង់ធំ ដែលពុំមានភាពទទួលខុសត្រូវ បង្កឲ្យមាន មនុស្សស្លាប់ ហើយបាក់បង្គោលភ្លើងរបស់រដ្ឋ ថែមទាំងប្រព្រឹត្តនូវបទល្មើសយ៉ាងធ្ងន់ធ្ងរ ទៅលើការជិះរថយន្តក្នុងភាព ស្រវឹងស្រា បុកហើយរត់ចូលក្លឹបអង្គុយផឹកយ៉ាងសង្ការ តែត្រូវបានប្រជាពលរដ្ឋដែលបាន ឃើញហេតុការណ៍នាំគ្នាដេញ យ៉ាងប្រផិតប្រផើយ ស្រាវជ្រាវរក លោក ស៊ីម ហួត ដែលបើកបរបង្កឲ្យមនុស្សស្លាប់ ជាពិសេសទៅទៀតនោះ គឺនៅលើរថយន្ត ( សរសេរដាក់ស្រឹងកុំបើកបរ ) ការដាក់ពាក្យស្លោកនេះ គឺគ្មានប្រយោជន៍សម្រាប់ម្ចាស់ដេប៉ូស្រាបៀរថៃហ្គេរនោះទេ មិនបានអនុវត្តហើយបែរជាបំពានទៀត។
លោក ញ៉ែន ឈុនលី អធិការក្រុងស្ទឹងសែន បានឲ្យដឹងថា ជនបង្កហេតុ បានបញ្ជូនទៅស្នងការហើយ ហើយស្នងការ ក៏បានកសាងសំណុំរឿងបញ្ជូនទៅតុលាការផងដែរ៕
រថយន្តស្រាបៀរថៃហ្គេរតៃកុងស្រវឹងបើកបុកសម្លាប់មនុស្សនាក់ ស្លាប់១របួស២ ហើយរត់ចូលខ្លឹបអ៊ីវូ
0 Comments