ភ្នំពេញ ៖ យោងតាមសេចក្ដីប្រកាសព័ត៌មានរបស់ក្រសួងអប់រំ ដែលទើបនឹងចេញផ្សាយមុននេះបន្តិចបានឲ្យដឹងថា បេក្ខជនប្រឡងជាប់សម័យប្រឡងឆ្នាំ២០១៥នេះ មានចំនួន៤៦៥៦០នាក់ត្រូវជា៥៥,៨ភាគរយនៃបេក្ខជនវត្តមានចំនួន៨៣៣២៥នាក់ ក្នុងនោះបេក្ខជនដែលប្រឡងជាប់ជាថ្នាក់វិទ្យាសាស្ត្រមានចំនួន៣៩៦៨៨នាក់ ត្រូវជា៥៣,៨៧ភាគរយនៃបេក្ខជនចំនួន៧៣ ៣៧០នាក់ ហើយនៅថ្នាក់វិទ្យាសាស្ត្រសង្គមមាន៦៨៧២នាក់ ត្រូវជា៧១,១៨ភាគរយនៃបេក្ខជនចំនួន៩៦៥៥។
បេក្ខជនជាប់និទ្ទេសAមានចំនួន១០៨នាក់ និទ្ទេសBមាន១០៨៥ និទ្ទេសC៣២៩២ និទ្ទេសD ៦០៩៣ និងនិទ្ទេស E ៣៥៩៨២។ ក្នុងចំណោមបេក្ខជនជាប់ និទ្ទេសAទាំង១០៨នាក់នោះមកពីរាជធានីភ្នំពេញ៤៨នាក់, សៀមរាប១៤នាក់, បាត់ដំបង៧នាក់, ត្បូងឃ្មុំនិងតាកែវ៦នាក់ក្នុង១ខេត្ត ,ខេត្តកណ្ដាល និងកំពង់ចាម៥នាក់ក្នុង១ខេត្ត, កំពត៤នាក់, ព្រះវិហារ កំពង់ធំ បន្ទាយមានជ័យ ក្រចេះ និងព្រះសីហនុ២នាក់ក្នុង១ខេត្ត ហើយកំពង់ស្ពឺ ស្វាយរៀង និងប៉ៃលិន ម្នាក់ក្នុង១ខេត្ត៕
ក្រសួងអប់រំប្រកាសលទ្ធផល មានបេក្ខជនប្រឡងជាប់ចំនួន៤៦៥៦០នាក់ត្រូវជា៥៥,៨៨ភាគរយ
0 Comments