កំពង់ស្ពឺ ៖ កូននេន៤អង្គ បាននាំគ្នាទិញស្រាបៀឆាន់ក្នុងកុដិ ស្រវឹង បែកការ ដល់មន្ត្រីសង្ឃថ្នាក់ស្រុក សហការជាមួយចៅអធិការវត្ត ចាប់ផ្សឹក ដើម្បីកុំឲ្យបុគ្គលបែបនេះ បំផ្លិចបំផ្លាញវិស័យព្រះពុទ្ធសាសនា។
ករណីព្រះសង្ឃឆាន់ស្រាបៀនេះ កើតឡើងនៅយប់ថ្ងៃអង្គារ ៨កើត ខែមាឃ ឆ្នាំចសំរឹទ្ធិស័ក ព.ស ២៥៦២ បរសេដ្ឋ ថ្ងៃទី១២ ខែកុម្ភៈ ឆ្មាំ២០១៩ វេលាម៉ោង២១និង៣០នាទី ស្ថិតនៅវត្តទួលគ្រួស ក្នុងភូមិដំបូកខ្ពស់ ឃុំផុង ស្រុកបរសេដ្ឋ ខេត្តកំពង់ស្ពឺ។
អាជ្ញាធរបានឲ្យដឹងថា ករណីលោកនេនចំនួន៤អង្គ បានឆាន់គ្រឿងស្រវឹងអស់១៤កំប៉ុង (ស្រាបៀកម្ពុជា និងហ្គែនស្ពើត) នៅកុដិ ក្នុងវត្តទួលគ្រួស រួមមានឈ្មោះដូចខាងក្រោម ៖ ១-ឈ្មោះ ម៉េង កាណៃ អាយុ១៦ឆ្នាំ នៅភូមិគោកកណ្ដាល ឃុំភក្ដី, ២-ឈ្មោះ សាយ ថង អាយុ១៤ឆ្នាំ នៅភូមិដំបូកខ្ពស់ ឃុំផុង, ៣-ឈ្មោះ ឡុង ឆវ័ន អាយុ១៦ឆ្នាំ នៅភូមិគោកកណ្ដាល ឃុំភក្ដី, ៤-ឈ្មោះ រុន រ៉ាណា អាយុ១៨ឆ្នាំ។
នៅព្រឹកថ្ងៃទី១៣ ខែកុម្ភៈ ឆ្នាំ២០១៨នេះ ការិយាល័យធម្មការ និងសាសនា ស្រុកបរសេដ្ឋ បានសហការជាមួយចៅអធិការវត្ត និងព្រះអនុគណស្រុក អនុវត្តតាមវិន័យសាសនា បានផ្សឹកសង្ឃដែលប្រព្រឹត្តខុសធម្មវិន័យទាំងនោះ៕
Source: Kampuchea Thmey Daily
0 Comments