សេចក្ដីរាយការណ៍របស់ អសប បាននិយាយនៅថ្ងៃច័ន្ទថា ក្រុមតាលីបង់កំពុងបង្កើនទំនាក់ទំនងរបស់គេជាមួយពួកអ្នករត់ពន្ធណាកូទិក ក្រុមជីករ៉ែ ខុសច្បាប់និងពួកអ្នកចាប់ជំរិត ដើម្បីទារប្រាក់លោះនៅក្នុងការវិវត្តន៍គួរឲ្យព្រួយបារម្ភមួយចំពោះពួកមេដឹកនាំថ្មីរបស់ប្រទេសអាហ្វហ្គានីស្ថាន។ ដោយឡែកចំណងទាក់ទងរបស់ក្រុមតាលីបង់ជាមួយពួកអ្នករត់ពន្ធគ្រឿងញៀន ដែលបកទៅរកទសវត្សន៍ឆ្នាំ១៩៩០នោះ សេចក្ដីរាយការណ៍ក៏បាននិយាយលំអិតផងដែរពីការជាប់ពាក់ព័ន្ធរបស់ចលនានេះនៅក្នុងការគ្រប់គ្រងធនធានធម្មជាតិ ដូច្នេះហើយកំពុងបង្អត់ប្រាក់ចំណូលរបស់រដ្ឋាភិបាលកណ្ដាល។
សេចក្ដីរាយការណ៍នោះនិយាយថា អណ្ដូងរ៉ែ LaPis Lazuli នៅក្នុងខេត្តបានដាក់សានភាគឥសាន ត្រូវបានត្រួតត្រាដោយពួកតាលីបង់ដែលទាមទារប្រាក់ប្រហែលមួយលានដុល្លាររាល់ឆ្នាំពីពួកអ្នកជីកអណ្ដូងរ៉ែជាថ្នូរទៅនឹងការអនុញ្ញាតឲ្យជីករ៉ែ ដោយពុំមានការភ័យខ្លាចពីការវាយប្រហាររបស់តាលីបង់។
បន្ថែមពីលើនោះ តាលីបង់រកបាន២៤០.០០០ដុល្លារ ទៅ៣៦០.០០០ដុល្លារ ក្នុងមួយឆ្នាំនៅក្នុងជំរិតទារប្រាក់ពីពួកអ្នកបើករថយន្តដែលដឹកថ្មចេញពីអណ្ដូងរ៉ែ ដែលស្ថិតនៅក្នុងតំបន់ដែលមានប្រជាជនតាជីកដ៏លើសលប់នោះ៕
រឹទ្ធ
0 Comments