ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី១៣ ខែកុម្ភៈ ឆ្នាំ២០១៥នេះ មានគ្រោះថ្នាក់ចរាចរណ៍នៅទូទាំងប្រទេសចំនួន ១០លើក ក្នុងនោះយប់០៤លើក, បណ្ដាលឲ្យមនុស្សស្លាប់ចំនួន០៩នាក់ (ស្រី០៣នាក់) របួសធ្ងន់ ០៧នាក់ (ស្រី០១នាក់) និងរបួសស្រាល០៩នាក់(ប្រុស)។
នៅក្នុងគ្រោះថ្នាក់ចរាចរណ៍ទាំង១០លើកនេះបានបង្កឲ្យខូចខាតយានយន្តសរុប១៨គ្រឿង ក្នុងនោះមានម៉ូតូចំនួន១១គ្រឿង, រថយន្តធុនតូចចំនួន០៣គ្រឿង រថយន្តធុនធំ០៣គ្រឿង,យានផ្សេងៗ០១គ្រឿង និងថ្មើរជើង០១នាក់។
មូលហេតុដែលបណ្ដាលឲ្យមានគ្រោះថ្នាក់គឺ ល្មើសល្បឿន០៥លើក, ប្រជែងគ្រោះថ្នាក់០១លើក,មិនគោរពសិទ្ធ០២លើកនិងមិនប្រកាន់ស្តាំ០២លើក។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន១៨នាក់ (យប់០៩នាក់)។
រថយន្តពិន័យសរុបចំនួន៧១៩គ្រឿង (រថយន្តធំ២៤៣គ្រឿង) ស្មើនិង៧៤៤ករណី, ករណីល្មើសក្រដាសស្នាម៤៣៩គ្រឿង ស្មើនិង៤៥៤ករណី រួមមានប័ណ្ណបើកបរហួសសុពលភាព២៤ករណី, ប័ណ្ណបើកបរខុសប្រភេទយាន២៤ករណី, គ្មានប័ណ្ណអាជីវកម្ម៥៤ករណី, គ្មានឆៀក៧៥ករណី, បើកបរលើសល្បឿនកំណត់៦៨ករណី, បើកបរមិនពាក់ខ្សែក្រវាត់២០៩ករណី, ករណីល្មើសបច្ចេកទេសមាន២៨០គ្រឿង ស្មើនិង២៩០ករណី រួមនមាន ដឹកសំពីងសំពោង២៣៥ករណី, ដឹកលើសចំណុះ១៤ករណី,បាឡុងតាកេ០៥ករណី,ខូចគន្លឹះសុវត្ថិភាព០៨ករណី,គ្មានឬខូចខាតរបាំងភក់០១ករណី។
ដោយឡែកម៉ូតូត្រូវបានពិន័យសរុបចំនួន១,១២១គ្រឿង ក្នុងនោះជិះម៉ូតូអត់ពាក់មួក៥៣៧ករណី, ជិះម៉ូតូអត់ដាក់កញ្ចក់៥២៨ករណី, ជិះម៉ូតូអត់កញ្ចក់និងមួក០៤ករណី, សញ្ញាចរាចរណ៍៣៥ករណី, ម៉ូតូបើកភ្លើងពេលថ្ងៃ១១ករណី, និងស្លាកលេខបាក់ ឬខូច០៦ករណី៕
រ៉ាវុទ្ឌ
0 Comments