បាត់ដំបង ៖ ការកោតសរសើរ ឬការគាំទ្ររបស់ប្រជាពលរដ្ឋក្នុងខេត្តបាត់ដំបងចំពោះសកម្មភាពរបស់អង្គការគ្រូពេទ្យមនុស្សធម៌កម្ពុជាក្នុងខេត្តបាត់ដំបងមួយនេះហាក់បីដូចជាដើរទន្ទឹមគ្នានឹងផលលំបាករបស់គ្រូពេទ្យនេះទៅវិញ សំដីរបស់ប្រជាពលរដ្ឋនៅក្នុងខេត្តនិងតាមបណ្ដាស្រុកមួយចំនួនបាននិយាយប្រហាក់ប្រហែលគ្នាថា មន្ទីរពេទ្យមនុស្សធម៌មួយនេះពិតជាបានកាត់បន្ថយដល់ជីវភាពគ្រួសាររបស់ពួកគាត់យ៉ាងពិតប្រាកដត្រង់ថា តម្លៃសេវាកម្មត្រឹមតែ៤០% នៃសេវាគ្លីនិកឯកជនប៉ុណ្ណោះ ពេលខ្លះក៏បានបន្ធូរបន្ថយថែមទៀតនៅភាពតានតឹងសេដ្ឋកិច្ចគ្រួសាររបស់គាត់ថែមទៀតពេលដែលគ្រួសាររបស់គាត់មានជំងឺធ្ងន់ ហើយត្រូវចំណាយប្រាក់ច្រើនសម្រាប់ចូលគ្លីនិកឯកជន។ ឆ្លើយតបទៅហ្នឹងមតិប្រជាពលរដ្ឋលោក វេជ្ជបណ្ឌិត កែ ស៊ីនួន ជាប្រធានពេទ្យមួយនេះថា ចាប់តាំងពីមន្ទីរពេទ្យនេះបានទទួលការអនុញ្ញាតិច្បាប់ពីប្រមុខរាជរដ្ឋាភិបាលកម្ពុជាមកខ្លួនបានខិតខំប្រឹងប្រែងក្នុងន័យមនុស្សធម៌រួមផ្សំជាមួយរាជរដ្ឋាភិបាលកម្ពុជាជាងពីរឆ្នាំហើយ ដោយមានការគាំទ្រពីសមាគមគ្រូពេទ្យមនុស្សរបស់សាធារណៈរដ្ឋកូរ៉េ និងសមាជិកគ្រូពេទ្យមនុស្សធម៌សហរដ្ឋអាមេរិកបានបន្ទាប់បន្សំពុំទាន់គ្រប់គ្រាន់តាមតម្រូវការរបស់ប្រជាពលរដ្ឋនៅឡើយ។
លោកវេជ្ជបណ្ឌិតបានបញ្ជាក់ថា ចំពោះជីវភាពប្រជាពលរដ្ឋនូវមានកម្រិត ដូច្នេះផលលំបាករបស់មន្ទីរពេទ្យមួយនេះ មិនរកប្រាក់ចំណេញ តែយកតម្លៃថ្នាំដែលមន្ទីរពេទ្យនេះទិញក្នុងស្រុកមិនមាននាំចូលពីប្រទេសឬទិញពីប្រទេសណានោះទេ សូម្បីតែវេជ្ជបណ្ឌិតជំនាញផ្នែកណាមួយក៏ជួលចេញពីស្ថាប័នរដ្ឋដែរមិនយកពេទ្យបរទេសនោះទេ គ្រាន់ថាវេជ្ជបណ្ឌិតខ្លះធ្វើឡើងតាមមនុស្សធម៌របស់គាត់ មន្ទីរពេទ្យក៏សុំអំពាវនាវដល់បណ្ដាក្រុមហ៊ុនឬសប្បុរសជនក្នុង និងក្រៅប្រទេសណាក្តីបើសិនជាមានឆន្ទៈមនុស្សធម៌មេត្តាជួយទៅតាមលទ្ធភាពដែលអាចជួយបានក្នុងន័យពួតដៃគ្នាជួយដល់រាជរដ្ឋាភិបាលកម្ពុជារបស់យើង ដែលមានសម្ដេចតេយជោ ហ៊ុន សែន ជាប្រមុខនៃរដ្ឋាភិបាល។ លោកបណ្ឌិតបានបញ្ជាក់ថា មិនប្រកាសរកជំនួយដើម្បីផលប្រយោជន៍បុគ្គលនោះឡើយ ទោះបីសប្បុរសណាមិនជួយ ក៏លោកនៅតែខិតខំប្រឹងប្រែងតាមលទ្ធភាពមនុស្សធម៌របស់លោកតែប៉ុណ្ណោះ ហើយមន្ទីរពេទ្យលោកក៏មិនយកភាពចាញ់ឈ្នះលើគ្លីនិកឯកជនណាមួយនោះទេគ្រាន់តែជួយជ្រោមជ្រែងក្នុងវិស័យមនុស្សធម៌ដល់ប្រជាពលរដ្ឋតែប៉ុណ្ណោះ៕
សៅ សារិទ្ធ
0 Comments