បន្ទាយមានជ័យ ៖ ដើម្បីចូលរួមចំណែកកាត់បន្ថយគ្រោះថ្នាក់ចរាចរណ៍ដល់ប្រជាពលរដ្ឋក្នុងឱកាសបុណ្យចូលឆ្នាំចិននិងវៀតណាមនាពេលខាងមុខនេះ នៅព្រឹកថ្ងៃទី១២ ខែកុម្ភៈ ឆ្នាំ២០១៥ កម្លាំងនគរបាលចរាចរណ៍ផ្លូវគោកខេត្តមួយក្រុមដែលដឹកនាំដោយលោក សន គីមសគ៍ នាយការិយាល័យចរាចរណ៍ផ្លូវគោក ដែលមានចំនួន៥នាក់បានចុះមកធ្វើការអប់រំនិងធ្វើការណែនាំស្ដីពីច្បាប់ចរាចរណ៍ផ្លូវគោកដល់អ្នកបើកបរយានយន្តគ្រប់ប្រភេទដែលបានធ្វើចរាចរណ៍នៅតាមដងផ្លូវជាតិមានប្រភេទដូចជា រថយន្តកាមរី ប្រភេទរថយន្តធំ និងម៉ូតូនៅតាមទីចំណតនានាក្នុងទីរួមខេត្តបន្ទាយមានជ័យ។ កម្លាំងនគរបាលចំនួន៥នាក់បានដាក់ពង្រាយគ្នានៅចំកន្លែងគោលដៅចាប់អ្នកបើកបរម៉ូតូចំនួន៧៣នាក់យកមកអប់រំ ក្នុងនោះអប់រំពីការបើកបរលើសល្បឿនកំណត់ ក្រោមឥទ្ធិពលជាតិស្រវឹង ប្រជែងក្នុងស្ថានភាពគ្រោះថ្នាក់ ផ្ទុកទំនិញសំពីងសំពោង ដឹកអ្នកដំណើរលើសចំណុះ បើកបរមិនគោរពសិទ្ធអាទិភាព មិនគោរពស្លាកសញ្ញា ភ្លើងសញ្ញាជាដើម។ លោកវរសេនីយ៍ទោ សន គីមសួគ៍ នាយការិយាល័យចរាចរណ៍ផ្លូវគោកបាននិយាយថា ដោយអនុវត្តន៍តាមបទបញ្ជារបស់លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ លោកបានដាក់បទបញ្ជាឲ្យកម្លាំងនគរបាលចរាចរណ៍ចុះតាមគោលដៅដែលបានកំណត់ដើម្បីរកមុខសញ្ញាបងតូចបងធំការសេពគ្រឿងស្រវឹង និងគ្រឿងញៀន ការកាប់ចាក់គ្នានៅពេលបុណ្យចូលឆ្នាំចិន-វៀតណាមនៅពេលខាងមុខនេះឲ្យបានដើម្បីចូលរួមក្នុងភូមិ/ឃុំមានសុវត្ថិភាពជាដើម៕
គង្គា
0 Comments